Rusiya

Rəsmi Moskvadan Simonyanın anti-Rusiya ritorikasına REAKSİYA

25 Aprel 2024 16:55
Baxış: 698
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Ermənistan parlamentinin sədri Alen Simonyanın açıq-aşkar anti-Rusiya ritorikasına prinsipial qiymət verilməsi xahişi ilə Ermənistan parlamentarilərinə müraciət ünvanlanıb.

Milli.Az Trend-ə istinadən xəbər verir ki, bunu bu gün keçirilən brifinqdə Rusiya XİN-in sözçüsü Mariya Zaxarova deyib.

M.Zaxarova xatırladıb ki, A.Simonyanın anti-Rusiya mövqeyi ilə bağlı Federasiya Şurasının sədri Valentina Matviyenko və Rusiya Federasiya Şurasının beynəlxalq məsələlər komitəsinin sədri Qriqori Karasin də müvafiq bəyanatlarla çıxış ediblər.

Xatırladaq ki, ötən gün Rusiya Federasiya Şurasının sədri Valentina Matviyenko Ermənistan parlamentinin sədri Alen Simonyanın Rusiya əleyhinə bəyanatları ilə bağlı sorğu hazırlayaraq Ermənistan parlamentinə göndərməyi tapşırıb. V.Matviyenko bildirib ki, Avropa İttifaqı ölkələrinin parlament sədrlərinin konfransında çıxış edən Alen Simonyan Rusiya əleyhinə bəyanatlar səsləndirməklə bütün "qırmızı xətləri" keçib.

Milli.Az
Xəbərlərimizi WhatsApp kanalımızdan da oxuyun

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.