Rusiya

Sevgilisi ilə birləşib ərini öldürüb mülkünə sahib çıxmaq istədi - hər ikisi xəstəlikdən öldü

20 Yanvar 2022 13:24

1 Şərh Baxış: 1 330

VTB-də minimal faiz dərəcəsi ilə nağd kredit 9.9%-dən

Sankt-Peterburqlu müstəntiqlər 11 il əvvəl törədilən qətlin üstünü açmağa müvəffəq olublar.

Milli.Az kp.ru-ya istinadən xəbər verir ki, 2010-cu ildə boğulma əlamətləri olan 50 yaşlı kişinin meyiti Lomonosov rayonunda kənd yolundakı arxdan tapılıb. Bir neçə gündən sonra qurbanın şəxsiyyəti müəyyən olunub - itkin düşən Otradnoye şəhər sakinidir. Onun 47 yaşlı həyat yoldaşı itkin düşməsi barədə polisə məlumat verib. Qətl faktı üzrə kompleks istintaq-əməliyyat tədbirləri həyata keçirilib. Lakin cinayətin üstünü dərhal açmaq mümkün olmayıb.

İndi istintaq yenidən başlayıb. Və yeni texniki imkanlar müştəriləri və icraçıları müəyyən etməklə detektivlərə kömək edib. Məlum olub ki, ərin qətlini arvadı "sifariş verib". Qadına məşuqəsi killer tapmaqda kömək edib. Məqsədləri də kşinin müklərini ələ keçirmək olub. Killer "işi"nə görə 300 min rubl alıb.

Ancaq "sevgililər"in xoşbəxtlik uzun sürməyib. Evləri satdıqdan sonra qadın 2018-ci ildə diabetdən, oynaşı isə bir il sonra bağırsaq xərçəngindən vəfat edib. Ələ keçən killeri isə 15 ilə qədər həbs gözləyir.

Anar Əli
Milli.Az