Siyasət

Ermənistanın məğlubiyyəti Rusiyaya ciddi XƏBƏRDARLIQ OLMALIDIR - Amerikalı ekspertdən ÖZƏL AÇIQLAMA

11 Sentyabr 2021 12:37
0 Şərh     Baxış: 1 735

"Ermənistanın 44 günlük muharibədəki uğursuzluğu Rusiya üçün ciddi bir xəbərdarlıqdır. Rusiya indi Ermənistana hərbi dəstək verməkdən daha çox nəzarət etməyə çalışır". 

Bunu Milli.Az-a açıqlamasında iyulun 20-dən Moskvada Rusiya və Azərbaycan Prezidentlərinin ikitərəfli görüşünü şərh edən amerikalı analitik İrina Tsukerman deyib.

Amerikalı ekspert bildirib ki, Ermənistan hakimiyyəti sərhəddəki təxribatlarla ictimaiyyət arasında revanşistləri və populistləri razı salmağa çalışır:

"Ermənistan hökuməti Qarabağ münaqişəsinin sona çatması ilə bağlı şizofrenik davranır. Bir tərəfdən, Dağlıq Qarabağ üzrə məsələ ilə bağlı daxili mübahisəni uzadan xüsusi komissiyanın yaradılmasını rədd edirlər və ümumilikdə hərbi əməliyyatların nəticələrini möhkəmləndirən və üçtərəfli bəyanatın həyata keçirilməsinə töhfə verən bütün rəsmi tədbirləri qəbul edirlər. Amma digər tərəfdən sirli sərhəd təxribatları və üçtərəfli sazişin pozulması qeyri-rəsmi olaraq davam edir. Göründüyü kimi, Ermənistan parlamenti fərqli auditoriyalara qarışıq tədbirlər göndərərək, AB və ATƏT-i münaqişənin şərtlərini rəsmən qəbul etməklə təəccübləndirir, digər tərəfdən qanunsuz əməlləri, təxribat meyilli addımları ilə ictimaiyyət arasında revanşistləri və populistləri razı salmağa çalışır.

Parlamentin bu qərəzli komissiyanı rədd etməsi İrəvanla Bakı arasındakı münasibətləri dövlət səviyyəsində irəliyə aparacaq müsbət bir işarədir. Ancaq rəsmi İrəvan üçtərəfli razılaşmanı tam şəkildə yerinə yetirməyincə, təxribatçı və ehtiyatsız hərəkətlərə son qoyulana qədər Ermənistan və Azərbaycan arasındakı sülh sazişi soyuq, inamsız, şübhəli və potensial pozuntuların kənarında qalacaq".

Qeyd edək ki, ötən gün Ermənistan parlamenti Dağlıq Qarabağla bağlı komissiya yaradılması təklifini rədd edib. Məsələ "Hayastan" fraksiyasının deputatı Ağvan Vardanyan tərəfindən qaldırılıb. Dövlət-hüquq məsələləri komissiyasında səsverməyə çıxarılan təklif qəbul olunmayıb.

Təhməz Əsədov
Milli.Az

 

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.