Siyasət

Zəngəzur dəhlizi birbaşa Rusiyanın milli marağıdır - Moskvadan ŞƏRH

22 İyul 2021 16:28
Baxış: 1 999

"Bu görüşdə Rusiya tərəfinin də müzakirəsində maraqlı olduğu və həvəslə müzakirə edəcəyi mövzu Zəngəzur dəhlizi ilə bağlı idi".

Bunu Milli.Az-a açıqlamasında Rusiya Prezidenti Vladimir Putinin Prezident İlham Əliyevlə 10 iyulda baş tutan Moskva görüşünü şərh edən Rusiya Xalqlar Dostluğu Universitetinin dosenti, siyasi jurnalist Anar Həsənov deyib.

O bildirib ki, Rusiya Qafqazda nə Ermənistanı, nə də Azərbaycanı itirmək istəyir:

"Azərbaycan tərəfinin haqlı olaraq müzakirə və həllini tapmaq istədiyi məələlər çoxdur. Söhbət Qazaxın 7 kəndi, Naxçıvanın Kərki kəndi, rus sülhməarmlılarının nəzarətindəki ərazilərdə qalan erməni silahlılarının tam tərki-salh olması məsələsi və ümumiyyətlə 10 noyabr bəyanatının bəndlərinin tam həyata keçirilməsidir. Ancaq Ermənistan Azərbaycanın bu haqlı tələblərini həyata keçirmək istəmir. Əksi olsaydı, hər halda bu bəndlər bu günə kimi həllini tapardı. Hər halda Ermənistanda bir aydan çox müddətdir ki, seçkilər bitib və mütləq olaraq parlamentdə də ölkədə də mütləq hakim, - müxalifətin əlində mətbuatın və digər böyük trıçaqların olasına baxmayaraq, - Paşinyandır. Bütün bunlara baxmayaraq Ermənistan bəndlərin həyata keçirilməsini yubadır. Sözsüz ki, Azərbaycan xalqının lideri bu məsələləri Moskvaya bu məsələləri müzakirə etmək üçün getmişdi. İqtisadi məsələlərin müzakirəsi də vacibdir, ancaq onlar Azərbaycan Prezidenti üçün ikinci dərəcəlidir. Çünkü artıq böyük bir müddət keçib, bu müddət ərzində Azərbaycan ictimaiyyətində xeyli suallar yaranıb.

Prezident İlham Əliyev xalqın haqlı suallarına cavab eşitmək üçün bu məsələnin orbitoru olan Rusiyaya həmin sualları vermək üçün getmişdi. Bütün bunların fonunda hesab edirəm ki, Rusiya üçün Zəngəzur dəhlizinin açılmasıdır və düşünürəm ki, bu görüş Zəngəzur dəhlizinin açılması yolunda müəyyən irəliləyişlərə səbəb olacaq. Rusiya Qafqazda hər iki müttəfiqindən birini qazanıb, birini itirmək istəmir. Baxmayaraq ki, Ermənistanda Rusiyaya, KTMT-yə qarşı rəsmi ritorikada bir inamsızlıq var. Rusiyanı bir müttəfiqdən daha çox başqa neqativ çalarlarda görürlər. Bütün bunlara baxmayaraq Rusiya da Ermənistanı itirmək istəyi yoxdur. Ona görə Ermənistanın bir haqsız maraqlarına hörmətlə yanaşırlar, ona görə də 10 noyabr bəyanatının reallaşması yubanır. Ancaq Zəngəzur dəhlizi birbaşa Rusiyanın milli marağıdır. Ona görə, dövlət başçısı İlham Əliyevin Rusiya səfəri Zəngəzur dəhlizinin həllinə müəyyən təkan verə bilər. Düşünürəm ki, Azərbaycan diplomatiyası Azərbaycan Prezidentinin rəhbərliyi altında bu uğura imza atacaq".

Təhməz Əsədov
Milli.Az

 

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.