Siyasət

Ərdoğanın Azərbaycan ziyarəti tək millət, iki dövlət anlayışının yeni bir tezahürü olacaq - Əkrəm Kızıltaş

14 İyun 2021 21:10
Baxış: 658

Prezident Rəcəb Tayyib Ərdoğanın NATO sammitindən sonra reallaşdıracağı Azərbaycan ziyarəti tək millət, iki dövlət anlayışının yeni bir tezahürü olacaq.

Milli.Az bildirir ki, bunu Trend-ə açıqlamasında Türk Media Assosiasiyasının rəhbəri Əkrəm Kızıltaş deyib.

Onun sözlərinə görə, bu səfər zamanı keçən il azadlığına qovuşan Şuşanın ziyarət edilməsinin də ayrı bir önəmi var: "Türk dünyasının mədəniyyət mərkəzlərindən biri olan Şuşada Türkiyə-Azərbaycan qardaşlığı bir daha vurğulanacaq. Türkiyə-Azərbaycan birliyini möhkəmləndirəcək bu ziyarətlə bütün dünyaya iki ölkə arasındakı qardaşlığın güclənərək davam etməsi ilə yanaşı, regional məsələlərdə bərabər hərəkət etdikləri və edəcəkləri ilə bağlı güclü bir mesaj verilmiş olacaq".

Ə.Kızıltaş əlavə edib ki, Türkiyə və Azərbaycan arasında getdikcə inkişaf edən qardaşlıq münasibətləri bundan sonra da hər iki ölkənin lehinə olacaq və onların bölgədəki nüfuzunu gücləndirəcək.

Milli.Az

 

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.