Siyasət

Ermənistan tərəfindən edilən hücumları şiddətlə qınayıram - “Albayrak Media Group”un rəhbəri

7 İyun 2021 20:32
Baxış: 973

Türkiyə və Azərbaycanın bölgədə sabitliyi təmin etməyə yönəlik çalışmalarına qarşı Ermənistan tərəfindən edilən hücumları şiddətlə qınayıram.

Milli.Az Trend-ə istinadən xəbər verir ki, bunu Türkiyənin "Albayrak Media Group"unun rəhbəri Ömər Karaca deyib.

O bildirib ki, dost və qardaş Azərbaycan ordusu tərəfindən işğaldan azad edilən Kəlbəcərdə Ermənistan qüvvələrinin döşədiyi minanın partlaması nəticəsində AZƏRTAC-ın müxbiri Məhərrəm İbrahimov və AZ TV-nin operatoru Sirac Abışov da daxil olmaqla 3 mülki şəxsin şəhid olduğunu böyük bir üzüntü ilə öyrənib:

"Türkiyə və Azərbaycanın bölgədə sabitliyi təmin etməyə yönəlik çalışmalarına qarşı Ermənistan tərəfindən edilən hücumları şiddətlə qınayıram. Albayrak Media Qrupu olaraq, bütün Azərbaycan mediasının yanında olduğumuzu bildirmək istəyirəm. Şəhid həmkarlarımız və mülki Azərbaycan vətəndaşına Allahdan rəhmət, sizə və bütün yaxınlarına başsağlığı diləyirəm".

Milli.Az

 

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.