Siyasət

Azərbaycan Ermənistanı və onun müttəfiqlərini dalana dirəyib - Livanlı politoloq

18 Oktyabr 2020 12:20
Baxış: 1 747

Azərbaycanın unikal və eyni zamanda uğurlu hərbi-siyasi taktikası Ermənistanı və onun müttəfiqlərini dalana dirəyib.

Milli.Az bildirir ki, bunu Trend-ə livanlı politoloq Əli Bəkir deyib.

Onun sözlərinə görə, hazırda Ermənistan həmin dalandan çıxmaq istəyir və bunun üçün Azərbaycan tərəfində guya xarici muzdluların döyüşməsi barədə saxta xəbərlər yayır:

"Heç bir ölkə Azərbaycan tərəfində xarici muzdluların döyüşməsi barədə sübut təqdim edə bilməyib".

Ə.Bəkir qeyd edib ki, beynəlxalq ictimaiyyətin dezinformasiyası üçün, həmçinin Qərb KİV-ləri də cəlb edilib. Onlar Azərbaycan ərazilərinin Ermənistan tərəfindən işğalı faktını diqqətə almır.

Politoloq əlavə edib ki, tərəfləri atəşkəsə çağıran ölkələr də işğal faktından, onun dayandırılmasının zəruriliyindən və Azərbaycan ərazilərinin azad edilməsinin böhranın yeganə həllinin olmasından danışmırlar.

Onun sözlərinə görə, əvvəlki illərdən fərqli olaraq hərbi balans Azərbaycanın xeyrinə dəyişib.

Milli.Az 

 

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.