Siyasət

"Gəncədəki terror hadisələrinə görə Paşinyana cinayət işi açılmalıdır"

17 Oktyabr 2020 09:59

Baxış: 1 594

#TERROR #GƏNCƏ #DAĞLIQ QARABAĞ MÜNAQİŞƏSİ

Ermənistan növbəti dəfə öz cinayətkar və terrorçu mahiyyətini ortaya qoydu, yenə də gecə yarısı Gəncədə mülki insanları yatdığı yerdə raket atəşinə tutmaqla həm ağır hərbi cinayət, həm də insanlıq əleyhinə cinayət törətdi.

Milli.Az bildirir ki, bunu Trend-ə Milli Məclsin deputatı Sevinc Hüseynova deyib.

Deputat bildirib ki, işğalçı Ermənistan bu çirkin əməlləri ilə beynəlxalq hüququn norma və prinsiplərini, 1949-cu il tarixli Cenevrə Konvensiyaları və onların Əlavə Protokollarını kobud şəkildə pozaraq, Azərbaycanın dinc əhalisini qəsdən hədəfə almaqla yaşayış məntəqələrini və strateji obyektləri ağır artilleriyadan atəşə tutmağa davam edir:

"İlkin məlumata əsasən, Gəncədə raket atəşi nəticəsində 40 nəfərdən çox insan yaralanıb və 10 nəfərdən çox insanın öldürülüb. Bu, Ermənistan tərəfindən törədilən ən ağır müharibə cinayətlərindən biridir.

Ermənistan bu dəfə də öz mənfur ənənəsinə "sadiq" qalır, əldə olunmuş razılaşmanı kobud şəkildə pozur. Bu, bir daha göstərir ki, kriminal Ermənistan rəhbərliyi sülh istəmir, münaqişənin danışqlar yolu ilə həll edilməsinə tərəfdar deyil. Bu hadisələr bir daha təsdiq edir ki, terroru dövlət siyasəti səviyyəsinə qaldıran Ermənistan region üçün böyük təhdiddir".

S.Hüseynova vurğulayıb ki, Gəncəyə hücum əmrini Ermənistanın terrorçu baş naziri Nikol Paşinyanın verdiyi şübhə doğurmur: "Bu məsələ araşdırılmalı, Paşinyana qarşı cinayət işi qaldırılmalı və o beynəlxalq axtarışa verilməlidir".

Milli.Az