Siyasət

Ermənistan işğalçı dövlətdir - Rusiya Bələdiyyələrin İnkişafı İnstitutunun prezidenti

15 Oktyabr 2020 16:18

Baxış: 1 271

#DAĞLIQ QARABAĞ MÜNAQİŞƏSİ

Ermənistan təcavüzkar və işğalçı dövlətdir.

Milli.Az Trend-ə istinadən bildirir ki, bunu Rusiya Bələdiyyə Akademiyasının həqiqi üzvü, Bələdiyyələrin İnkişafı İnstitutunun prezidenti, professor Sergey Kirsanov AMEA-nın İqtisadiyyat İnstitutunun direktoru, iqtisad elmləri doktoru, professor Nazim İmanova ünvanladığı məktubda qeyd edib.

Alim məktubda Azərbaycanın mövqeyini dəstəklədiyini, Ermənistanın təcavüzkar və işğalçı dövlət olduğunu deyib:

"Bu gün atəş altında qalan mülki şəxsləriniz və ümumilikdə Azərbaycan xalqı ilə həmrəyliyimi bildirirəm. Ümidvaram ki, dünya birliyinin səyləri ilə atəşkəsə nail olunacaq və sülh danışıqlarının bərpası üçün irəli sürülmüş şərtlər yerinə yetiriləcək".

Milli.Az