Siyasət

Azərbaycan Prezidenti “Haber Türk” telekanalına müsahibəsində Dağlıq Qarabağın sülhdən sonrakı modelindən danışıb

14 Oktyabr 2020 14:26
Baxış: 408

Bizim mövqeyimiz həm tarixi ədalətə, beynəlxalq hüquqa və dünyada mövcud olan müsbət təcrübəyə əsaslanır. Yəni, birinci mərhələdə işğal olunmuş rayonlardan erməni silahlı qüvvələri çıxarılır. Prinsip etibari ilə bu məsələ artıq Minsk qrupu çərçivəsində təsbit edilib, - beş rayon, ondan sonra iki rayon, ondan sonra Dağlıq Qarabağın özündən, Şuşadan, Xankəndidən, - orada bir çox kəndlərdə azərbaycanlılar yaşayıb, Azərbaycan vətəndaşları oraya qayıdır və Dağlıq Qarabağın gələcəyi ilə əlaqədar müzakirələr yeni bir şəraitdə, yeni bir iqlim çərçivəsində davam edir. beş rayon, ondan sonra iki rayon, ondan sonra Dağlıq Qarabağın içindən - Şuşadan, Xankəndidən və orada bir çox köylərdə azərbaycanlılar yaşayıb, orada Azərbaycan vətəndaşları qayıdır və Dağlıq Qarabağın gələcəyi ilə əlaqədar müzakirələr davam edir

Milli.Az AZƏRTAC-a istinadən bildirir ki, Prezident İlham Əliyev bunu Türkiyənin "Haber Türk" telekanalına müsahibəsində aparıcının "Qarabağ işğaldan azad edildikdən sonra Sizin necə bir modeliniz var" sualına cavabında deyib.

"Artıq biz sülhə daha da yaxınlaşacağıq. Ona görə orada yaşayan ermənilərlə əlaqədar bizim mövqeyimizdə dəyişiklik yoxdur. Azərbaycan çoxmillətli dövlətdir. Azərbaycanın müxtəlif yerlərində, ilk növbədə Bakı şəhərində minlərlə erməni yaşayır və onlar bizim vətəndaşımızdır. Bizim ölkəmizdə bir çox millətlər yaşayır və bu, ölkəmizin gücünü artırır. Ona görə Dağlıq Qarabağda yaşayan ermənilər narahat olmasınlar. Biz onların canını o kriminal xunta rejimindən qurtarandan sonra onlar daha yaxşı yaşayacaq, daha güvənli, daha təhlükəsiz şəraitdə yaşayacaq və onların rifahı daha da artacaq", - deyə dövlətimizin başçısı vurğulayıb.

Dağlıq Qarabağda indi səfalət hökm sürdüyünü qeyd edən Azərbaycan Prezidenti deyib: "Biz oraya sərmayə də yatırarıq, biz orada sosial proqramlar da icra edərik, iş yerlərinin yaradılması ilə əlaqədar proqramlarımız olacaqdır. Bütün bunlar orada yaşayan ermənilər və oraya qayıdacaq azərbaycanlılar üçün yeni bir mərhələ olacaq".

Milli.Az 

 

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.