Siyasət

İsrailli mer: "Azərbaycan Ordusuna qələbə arzulayıram!"

14 Oktyabr 2020 14:22

Baxış: 1 847

#İSRAİL #DAĞLIQ QARABAĞ MÜNAQİŞƏSİ

İsraildəki Tirat-Karmel şəhərinin meri Arye Tal ermənilərin Gəncəni vurmaları ilə bağlı mövqeyini açıqlayıb.

Milli.Az Arye Talın Gəncə şəhərinin İH başçısı Niyazi Bayramova ünvanladığı məktubu təqdim edir:

"Bütün Azərbaycan xalqı üçün bu ağır günlərdə mən Azərbaycana 30 il əvvəl işğala məruz qalan və təqribən 1 milyon insanın qaçqınla köçkünə səbəb olmasına gətirib çıxaraq torpaqlarının azad edilməsi uğrunda ədalətli mübarizəsini tam dəstəkləyirəm.

Biz, İsrail vətəndaşları, Azərbaycan xalqının yanındayıq.

Hərbçilər və dinc insanlar arasında itkilər böyük faciədir.

İsrail və Azərbaycan yaxın dost, strateji tərəfdaş ölkələrdir. İsraildə yaşayan, əslən Azərbaycandan olan yüz minlərlə vətəndaş qəlblərində Azərbaycanla mənəvi bağları saxlayırlar.

Gəncənin barbarcasına bombardman edilməsi vəhşilik, saxtakarlıq və yalanın maksimumudur.

Azərbaycan Ordusuna mümkün qədər tez qələbə arzulayıram!

Bu ağır dövrdə qəlblərimiz sizinlədir!"

Qeyd edək ki, Arye Tal Peşəkar hərbçi, polkovnik olub. İsrail Hərbi-Hava Qüvvələrində zərbə helikopterləri alayının komandiri idi.

Milli.Az