Siyasət

İran Azərbaycana hücum edib? - Səfirlik cavab verdi

14 Oktyabr 2020 12:19
Baxış: 16 089
#IRAN #DAĞLIQ QARABAĞ MÜNAQİŞƏSİ

İran tərəfindən ağır artilleriya ilə Azərbaycana hər hansı hücum edilməyib.

Milli.Az xəbər verir ki, bu barədə Trend-ə İran səfirliyindən məlumat verilib.

Bildirilib ki, bəzi KİV-lərdə İran tərəfindən Azərbaycan ordusunun mövqelərinə atəş açılması ilə əlaqədar xəbərlər həqiqəti əks etdirmir.

İran səfirliyinin məlumatına görə, İranın hərbi dairələri belə xəbərləri təsdiqləmir: "Belə xəbərlər iranlı general Həsən Noi Moqəddəmin "Azərbaycan istədiyi halda, İran silahlı qüvvələri Azərbaycan tərəfində döyüşməyə hazırdır" deməsindən sonra yayılıb".

Səfirlik qeyd edir ki, belə xəbərlər İran İslam Respublikası və Azərbaycan Respublikasının inkişaf etməkdə olan münasibətlərinə zərbə vurmaq məqsədilə yayılır. İran və Azərbaycan dost və qardaş ölkələrdir. Bu dostluq və qardaşlıq əbədi olaraq davam edəcək və heç kim bu münasibətlərə xələl gətirə bilməz.

Milli.Az

 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.