Siyasət

Qondarma "erməni soyqırımı": İsrail Azərbaycana niyə çox önəm verir?

27 Dekabr 2011 17:03
0 Şərh     Baxış: 389
#BANK LEUMİ LE-ISRAEL
"İhud Leumi" Partiyasından olan deputat Arye Eldadın dediyinə görə, Knessetin təhsil, mədəniyyət və idman komissiyasındakı müzakirələri mümkün qədər tez başa vurmaq gərəkdir.

Milli.Az xəbər portalı "Ediot Ahronot"a istinadən bildirir ki, Eldad, komissiyanın sədri Aleks Millerin qondarma "erməni soyqırımı"nın İsrail tərəfindən rəsmən tanınması ilə bağlı tutduğu mövqedən çox narazı qaldığını, Millerin "türklərə tərəfkeşlik" etdiyini bildirib.

"Knessetin spikeri və parlament koalisiyasının sədri bizim tərəfimizdədir. Ona görə də istədiyimizə çatacağıq", - Eldad deyib.

İsrail Knessetinin spikeri Reuven Oivlin, parlament koalisiyasının sədri Zeev Elkin və İsrail XİN başçısının müavini Dani Ayalon isə məsələ ilə bağlı mövqelərini açıqlayaraq "durumun mürəkkəb olduğunu" vurğulayıblar.

İsrailin aparıcı kütləvi informasiya vasitələri bildirirlər ki, qondarma "erməni soyqırımı"nın ölkə parlamentində müzakirəsi ölkənin maraqlarına çox ciddi ziyan vura bilər.

"Hamı Türkyiə ilə münasibətlərin perspektivlərindən danışır. Ankara ilə münasibətlərimiz onsuz da çox pisləşib. Lakin Knessetin deputatları unudurlar ki, ermənilərlə bağlı məsələnin müzakirəsi İsrailin Azərbaycanla münasibətlərinə həddən artıq ağır zərbə vura bilər. Belə müzakirələr Bakını sinirləndirir. Azərbaycan İsrailin müsəlman aləmində yeganə əsas tərəfdaşı, dostudur. Şübhə etmirik ki, Azərbaycanla münasibətləri korlamamaq üçün İsrail parlamenti ermənilərin iddialarını qəbul etməyəcək. 100 il əvvəl baş verdiyi mübahisəli olan məsələlərə görə müsəlman aləmində əsas strateji tərəfdarımız Azərbaycanla münasibətləri korlaya bilmərik", - İsrail XİN başçısının müavini Dani Ayalon deyib.

Milli.Az

 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.