Siyasət

Əsrin vəhşiliyi: Fevralın 26-da “Xocalı soyqırımı”nın ildönümüdür - Rusiya nəşri

26 Fevral 2020 09:38
12 Şərh     Baxış: 992

Heç bir arqument və müharibə dövrü bəhanəsi Dağlıq Qarabağ münaqişəsində dinc sakinlərin kütləvi qətlinə bəraət qazandıra bilməz.

Milli.Az Trend-ə istinadən xəbər verir ki, bu barədə Rusiyanın "Novıye İzvestiya" qəzetində dərc olunan "Əsrin vəhşiliyi: Fevralın 26-da "Xocalı soyqırımı"nın ildönümüdür" məqaləsində yazılıb.

Müəllif qeyd edir ki, bəşəriyyət tarixində bir xalqın digər xalqa qarşı törətdiyi vəhşiliklərin nümunələri çoxdur:

"Fevralın 26-da növbəti ildönümü qeyd olunacaq "Xocalı soyqırımı" da bu kədərli səhifələrdən bidirir. Şübhəsiz ki, bu, Dağlıq Qarabağdakı hərbi münaqişənin ən qaranlıq epizodlarından biridir. O zaman Azərbaycanın Xocalı şəhərinin yüzlərlə sakini, o cümlədən qadın və uşaqlar öldürülmüş, yaralanmış və itkin düşmüşdü.

Erməni hərbçiləri bu şəhərə marağını Xocalının əlverişli mövqeyi ilə izah edirdilər. Şəhər Xankəndindən 10 kilometr məsafədə yerləşirdi ki, bu da Azərbaycan artilleriyasına Xankəndiyə maneəsiz atəş açmağa imkan verirdi. Bu arqument qəribə səslənir, çünki çoxsaylı ifadələrə əsasən Xocalıda ağır artilleriya yox idi, minaatanlardan isə bu məsafədən Xankəndini vurmaq mümkün deyildi.

Şahidlər vurğulayır ki, erməni hərbçilərinə MDB Birləşmiş Qüvvələrinin 366-cı motoatıcı alayının hərbi qulluqçuları dəstək göstərirdi və bu rəhbərliyin birbaşa əmri olmadan baş verirdi. Daha sonra general Polyakov öz müsahibəsində bildirmişdi ki, həmin alayda 103 erməni qulluq edirdi.

Rusiyanın "Memorial" hüquq təşkilatı müəyyən edib ki, Xocalı ələ keçiriləndən sonra dörd gün ərzində təkcə qonşu Ağdama 200-ə yaxın meyit gətirilmişdi. Onlardan 51-i qadın, 13-ü uşaq olub.

Bundan başqa, "Human Rights Watch" beynəlxalq hüquq təşkilatı yazırdı: "Geri çəkilməkdə olan onlarla könüllü müdafiəçinin müşayiəti ilə sakinlər kütləvi şəkildə şəhəri tərk edirdi. Sonra onlar erməni postu ilə üz-üzə gəldilər və vəhşicəsinə atəşə tutuldular..." Bu cür vəhşiliyə heç bir bəraət yoxdur və ola da bilməz.

Azərbaycan hökumətinin məlumatlarına əsasən hücum zamanı şəhərdə olan 3 min nəfərdən 613-ü, o cümlədən 106 qadın, 63 uşaq və 70 qoca xüsusi qəddarlıqla öldürülüb, 487 dinc sakin ağır yaralanıb, 1275 nəfər girov götürülüb və insanı alçaldan işgəncələrə məruz qalıb, 197 nəfərin taleyi hələ də məlum deyil. Səkkiz ailə tamamilə məhv edilib. Həmin insanlar yalnız etnik mənsubiyyətlərinə - azərbaycanlı olduqlarına görə amansızcasına öldürülüb, işgəncələrə məruz qalıb və şikəst ediliblər.

İstənilən halda "Xocalı soyqırımı" təkcə Azərbaycan xalqının deyil, bütün dünya xalqlarının faciəsidir. Bu cür vəhşilik nümunələrinə heç cür bəraət qazandırmaq olmaz.

Təsadüfi deyil ki, bu "mübarizə"nin "qalibləri" həmin tarix barədə danışmamağa üstünlük verirlər və dinc sakinlər arasında qurbanların sayını azaltmağa çalışırlar.

Milli.Az

Şərh yaz:

12 Şərh:

  • Anonim
    *** · 26 Fevral 09:4850

    bu şorbada senin de duzun var "eziz" rusiya

    Cavab yaz
    • Anonim
      vamiq · 26 Fevral 10:2120

      Düzdü baciww

      Cavab yaz
  • Anonim
    Roya · 26 Fevral 09:5140

    Xocalını unutmayaq !

    Cavab yaz
  • Anonim
    Muhendis · 26 Fevral 10:0440

    Xocalıya Ədalət!!!!!!!!!!!!!!!!!!!!!!!

    Cavab yaz
  • Anonim
    ASİ · 26 Fevral 10:3040

    Xocalini unutmayaq!!!

    Cavab yaz
  • Anonim
    Vətənə! · 26 Fevral 11:1410

    Yenə gözün dolu, ürəyin dolu, Bəlalar sənindir,gileylər mənim. Vallah, ürəyimdə yanır dərdlərin, Vallah, ürəyimi kül edir ahın... Aglama, qorxuram göz yaşlarından... (Rəssam)

    Cavab yaz
  • Anonim
    MOMIN · 26 Fevral 11:2330

    XOCALI QARABAQDIR- QARABAQ XOCALIDIR. amma tek deyilller buutun muselman dunyasi sehiddir qacindir butun muselman dunyasi qan golu icindedir. bunu eden bir guvve var o da axirzaman peyqerimiz hz.MEHEMMED buyurduqu kimi deccaldir. ve onun esl islami iman edenlere unutdurub xurafati yasatmaq siyaseti dir. ALLAH butun sehidlere rehmet eylesin

    Cavab yaz
  • Anonim
    Sevda.R · 26 Fevral 12:3110

    Allah bəlasını versin bu faciədə əli olanların...

    Cavab yaz
  • Anonim
    Çoxbilmiş · 26 Fevral 12:5630

    Şahidləri dinlədikcə, ancaq bir qərara gəlirəm ki, bu haqda hər gün, hər gün danışmaq lazımdı. Ta 364 gün çalıb oxuyub 1 gün yox. Zəlimxan Yaqubun "Xocalılar, qınamıram sizi" şeirində ≈belə misra var ki, Vətəni tabuta qoyub saçımızı yolub ağlamayaq. İş görmək lazımdır. Hər gün efirdə , demirəm 24 saat, yarım saat da olsa, həmin şahid uşaqları danışdırmaq gərəkdi. Unutmaq olmaz!

    Cavab yaz
  • Anonim
    Sovet vətəndaşı · 26 Fevral 13:0210

    Zalım öyünməsin zülümləriylə, Min bir böhtanıyla, min bir şəriylə. Həqiqət uğrunda ölümləriylə, Ölümü kamına çəkdi Şəhidlər. Günahsız insanların qanı yerdə qalarmiş((

    Cavab yaz
  • Anonim
    Sovet vətəndaşı · 26 Fevral 13:0410

    Rusiyanın o zamankı erməniyə züy tutan hakimiyyətinin başına daş düşsün. Yeltsinin, Qorbaçovun, Yazovun cəhənnəmi bol olsun.

    Cavab yaz
  • Anonim
    Sarvan · 26 Fevral 19:5300

    Telekanalların birində Xocalı genosidi adlı rubrika yaratmaq lazımdır

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.