Siyasət

"Qarabağ məsələsində inkişaf var, amma bizi qorxudurlar" - Paşinyan ilk dəfə etiraf etdi

4 Noyabr 2019 10:20
6 Şərh     Baxış: 4 537

Onu deyə bilərəm ki, Dağlıq Qarabağ münaqişəsinin nizamlanmasına yönəlmiş danışıqlar prosesində, nə qədər qəribə və gözlənilməz olsa da, yetərincə maraqlı dinamika müşahidə olunur. Nikbinəm və düşünürəm ki, bu dinamika davam edəcək. Dinamika inkişaf edəcək.

Ermənistanın baş nazir Nikol Paşinyan Facebook səhifəsində canlı yayımda olarkən bunu deyib.

Onun sözlərinə görə, Azərbaycan və Ermənistan qoşunlarının təmas xəttində gərginlik səviyyəsinin aşağı düşməsi müşahidə olunur.

"Bu durum Düşənbədəki məlum müzakirələrin kontekstində baş verib".

Bununla yanaşı, N.Paşinyan etiraf edib ki, hazırda Ermənistan tərəfi cəbhə xəttində itkilər verməkdədir.

O, daha sonra Dağlıq Qarabağ münaqişəsinin nizamlanması ilə bağlı əvvəlki mövqeyini və tezisləri təkrarlayıb: "Mən demişəm ki, Qarabağ probleminin istənilən həlli Ermənistan, Qarabağ və Azərbaycan xalqları üçün əlverişli olmalıdır".

Paşinyanın sözlərinə görə, onun əsas məqsədi danışıqlar masası arxasında erməni xalqı üçün qəbul ediləcək həll variantını tapmaqdır: "Əgər belə variant tapılarsa, o, xalqa təqdim olunacaq və ümumxalq müzakirəsinə çıxarılacaq. Əminəm ki, qərar ümummilli formatda tapılmalıdır. Ehtiyac yaranarsa, Ermənistanda referendum da keçirmək olar".

Nikol Paşinyanın sözlərinə görə, onun siyasi rəqibləri Qarabağ münaqişəsi zonasında hərbi əməliyyatların bərpası ehtimalının yüksək olduğunu deyərək xalqı qorxudurlar.

"İnsanları savaşla qorxutmağa başlyıblar. Konkret olaraq bu məqsədlə büdcələr qəbul olunur, pullar ayrılır, təbliğat aparılır və s." - N.Paşiyan bəyan edib.

Bu şayiələrə cavab verdiyini vurğulayan N.Paşinyanın sözlərinə görə, Ermənistanla Azərbaycan arasındakı yaranmış münasibətlərdə həmişə təhdidlər və hədələr olub.

Dağlıq Qarabağın statusu və gələcəyi ilə bağlı danışarkən "referendum" sözünü bir neçə dəfə təkrarlayan N.Paşinyanın fikrincə, referendum problemin, sadəcə, həll yollarından biridir.

Sonda o, Ermənistan müxalifətində "Dağlıq Qarabağı Paşinyan satır" tipli fikirləri  yayanların manipulyasiya ilə məşğul olduqlarını bəyan edib.

Dağlıq Qarabağ separatçılarının lideri Bako Saakyanla "əla və normal münasibətlər"inin olduğunu vurğulayan N.Paşinyan sürəkli müzakirələr apardığını deyib: "İşçi məsələlərdə müxtəlif yanaşmalar ola bilər və bu normaldır. Müzakirələrin nəticəsi də odur ki, problemin keyfiyyətli həllinə nail olmalıyıq. Sadəcə, onu deyə bilərəm ki, Qarabağ münaqişəsinin nizamlanması ilə bağlı Ermənistanın və qarabağlı ermənilərin mövqeləri identikdir".

Paşinyanın dediyinə görə, Qarabağ mövzusu ilə bağlı Ermənistanda şayiələr 2018-ci ildəki parlament seçkiləri zamanı da yayılmışdı.

"Rəqiblərim deyirdilər ki, Qarabağın Azərbaycana qaytarılması məsələsi ilə bağlı sövdələşmələrə cəlb olunduğumdan mənim də o işlərdə əlim var. Onu da deyirdilər ki, savaş vasitəsilə Qarabağdan əl çəkmək istəyirik", - N.Paşinyan Facebook səhifəsindəki translyasiyada deyib.

N.Paşiyanın sözlərinə görə, onun və hökumətin məğlubiyyətçi davranış nümayiş etdirmədkiləri aydın olandan sonra ortaya üçüncü tezis atılıb. Belə ki, Ermənistan iqtidarının danışıqlar prosesində güzəştə getmək istəmədiklərindən dolayı, Qarabağ münaqişəsi zonasında yeni müharibənin olacağı ilə erməniləri qorxudurlar.

"Hə, Azərbaycanla münasibətlərdə həmişə təhlükələr, təhdidlər və gərginlik olub. Lakin indi o hədələr üç-beş il əvvəlki durumdan artıq deyil. Tam əksinə, indi sərhəddə monitorinq aparsaq, görərik ki, son ilyarım ərzində gərginlik xeyli azalıb. Lakin rahatlaşmaq üçün heç bir səbəb yoxdur. Qarabağ münaqişəsi hələ də nizamlanmayıb", - N.Paşinyan deyib.

Ermənistanın baş nazirinin translyasiya zamanı sürəkli işarə vurduğu, amma adını çəkmədiyi qüvvə sabiq prezidentlər Serj Sarqsyan və Robert Köçəryanın tərəfdarlarıdır.

Məhz onlar Paşinyanı Qarabağ məsələsində zəiflikdə suçlayır, münaqişə zonasında yeni savaşın olacağını vurğulayırlar.

Elçin Alıoğlu
Milli.Az

Şərh yaz:

6 Şərh:

  • Anonim
    Kami · 4 Noyabr 12:4972

    Gor bir dene de olsa serh var bu movzu etrafinda?! Amma hansisa exlaqsizin, soumenin ve s. maceralari haqqinda olan yazilarin alti doludur serhlerle. Cox heyif. Basimiz o qeder gundelik eys-isrete, pul dalinca qachmaqa qarisib ki, …….

    Cavab yaz
    • Anonim
      Mahir · 4 Noyabr 13:0552

      Duz deyirsen qardasim. Bezi serhciler ancaq qalmaqal axtarirlar. Ona gore de, agilli xeberlere serh yazmagi ozlerine sigisdirmirlar.

      Cavab yaz
  • Anonim
    Oxucu · 4 Noyabr 14:2143

    Azərilərdən qorxmaq lazım deyil, uzun illər yaşayıbsiz Azərilərlə, çörəyimizi suyumuzu içibsiz, bu xalqda mərhəmət var, əli yalına, kasıba, zəifə, düzgün olana qarşı biz hər yerdə həmişə mərhəmətliyik, bu Türklüyə xas olan xasiyyətlərdir. Bu günki gündə belə Azərbaycanda 30 minə yaxın erməni qarışığı olanlar Azərbaycanda yaşayırlar heç onların burnu qanayır ay paşinyan, Türkiyədə minlərlə erməni yaşayır onlara kimsə nəsə edir? Yəni siz özünüz yalançısınız onçuda yalanlara özünüzü inandıraraq, özünüzə yalançı rarix quraraq milliyətçilik edərək xalqınızı uçuruma aparırsınız! Nə qədər gec deylsə əl çəkin bu əməllərinizdən, Qarabağ və ətraf rayonlar Azərbaycanın ayrılmaz bir hissəsidir! Qoşunlarınızı orada boşuna xərc tökərək saxlayırsınız, bizə heç kimin torpağı lazım deyil yaxşısı budur ki bizim vətənimizdən əl çəkin əks halda siz Yerəvanıda sual altına salacaqsınız. Yaxşı yaşamaq istəyirsinizsə çalışın qonşularınızla dost olasınız!

    Cavab yaz
  • Anonim
    Aqsaqqal · 4 Noyabr 14:4172

    Hazırkı vəziyyətdə Qarabağ məsələsi məncə ancaq və ancaq erməniləri korun -korun ,partizanski ,gündə birini -beşini gəbərtməkdən keçir ,urus birdə görəcəkki ermənilər kirə çıxıb .

    Cavab yaz
    • Anonim
      Aqsaqqal · 4 Noyabr 15:0552

      Maraq göstərən ,arxasında dayanan ,təşkil eləyən olsa ,parizan müharibəsi Mehdi Hüseynzadə ,Mübariz Ibrahimov və s .kimi oğulları olan bir millət üçün 2X 2-dir .Həmin vəziyyətdə urus da çıxılmaz vəziyyətdə qalar ...

      Cavab yaz
  • Anonim
    Hemide xanim · 6 Noyabr 00:5200

    Agsaqqalin fikri eladir, ele oglanlarimiz var ki,gecede 100 ermeni getirer, amma buna imkan vererlermi bizimkiler?

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.