Siyasət

Ağır qəza keçirmiş azərbaycanlı siyasətçi danışdı

14 Yanvar 2013 18:05
Baxış: 1 442
#RAZİ PHARMACUTİCAL GLASS
Razi Nurullayev yanvarın 14-də "Media forum" saytına deyib ki, artıq özünü yaxşı hiss edir: "Səhhətim günü-gündən yaxşılaşır. Hazırda mənim reabilitasiya dövrüm başlayıb. Mən çox ehtiyatla maşın idarə edirəm. Hər zaman da təhlükəsizlik qaydalarına əməl etmişəm. Əfsus ki, qəzanın baş verdiyi ana qədərki hissə tamamilə yaddaşımdan silinib. Olanları kölgə kimi xatırlayıram. Yalnız bir nəfərin mənə "qapı açılmır, səni arxadan çıxaracağıq" dediyi və təcili yardım maşınında "səni yardıma aparırıq" deyildiyi yadımda qalıb. Digər məqamları neçə gündür yadıma sala bilmirəm. Ona görə də hadisə ilə bağlı ətraflı məlumat verə bilmərəm.

Mən hələ dəqiq deyə bilmərəm ki, hadisə kimin səhvi ucbatından baş verib. Mənə o yolda gözləməli olduğumu söylədilər. Ancaq mən bilmirəm ki, gözləmişəm, yoxsa gözləməmişəm. Həmin anlar heç yadımda qalmayıb. Adətən elə yerlərdə mən saatda 80 kilometrdən yuxarı sürətlə maşın sürməmişəm. Qəza anında isə sürət maksimum 35-40 olub. Məni vuran yük maşınının sürəti isə həmin ərəfədə minimum 100-120 olub. Mənim maşınım elə əzilib ki, bu yalnız o cür yüksək sürətin qarşısında belə ola bilərdi. Həmçinin sürət yüksək olmasaydı, bəlkə, qəza da olmazdı".

Razi Nurullayev qeyd edib ki, həyat yoldaşı Könül Nağıyeva yanvarın 15-də əməliyyat olunacaq.

Razi Nurullayev yanvarın 5-də Bakıda yol qəzasına uğrayıb. Onun maşını yük maşını ilə toqquşub. AXCP sədrinin müavini və həyat yoldaşı Könül Nağıyeva xəsarət alıblar. Onlar Kliniki Tibbi Mərkəzdə müalicə alırlar.

Milli.Az

 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.