Siyasət

Tramp: “Bu, mənim dayandırdığım səkkizinci müharibədir”

13 Oktyabr 2025 11:35

Baxış: 1 213

#DÜNYADA #ABŞ #DONALD TRAMP

ABŞ prezidenti Donald Tramp bildirib ki, İsraillə HƏMAS arasında baş verən müharibə onun dayandırdığı səkkizinci silahlı münaqişə olub.

Milli.Az xəbər verir ki, o, bu barədə "Fox News" telekanalına müsahibəsində danışıb.

"Müharibə başa çatdı... Bu, mənim dayandırdığım səkkizinci müharibə olacaq. Mən müharibələri bitirməyi və sülhü bərpa etməyi bacarıram. Bu, mənim üçün böyük şərəfdir. Mən milyonlarla insanın həyatını xilas etmişəm", - deyə Tramp bildirib.

O əlavə edib ki, hazırda Pakistan və Əfqanıstan arasında da gərginlik yaşanır və o, ehtiyac olarsa, yenidən Yaxın Şərqə qayıda bilər. Tramp vurğulayıb ki, o, sülh proseslərini "Nobel mükafatı üçün deyil, insan həyatlarını xilas etmək məqsədilə" həyata keçirir.

Qeyd edək ki, oktyabrın 10-da İsrail və HƏMAS arasında atəşkəs razılaşması qüvvəyə minib. Yerli vaxtla saat 12:00-da başlayan razılaşma ABŞ administrasiyasının vasitəçiliyi ilə əldə olunub.

İsmayıl
Milli.Az