Siyasət

"Trampın Azərbaycan-Ermənistan arasında sülh üçün vasitəçiliyi lazım deyil" AÇIQLAMA

21 Fevral 2025 14:55

Baxış: 504

#ABŞ #CƏNUBİ KOREYA

"ABŞ-nın Azərbaycandakı sabiq səfiri və ATƏT-in Minsk qrupunun sabiq həmsədri Metyu Brayza Donald Trampın Ermənistanla Azərbaycan arasında sülh yaratmaq üçün böyük imkanlarının olduğunu bildirib".

Milli.Az xəbər verir ki, bunu politoloq Elxan Şahinoğlu deyib:

"Ümid edirəm ki, Tramp öz töhfəsini vermək istəyir" deyən Brayza Trampın hələ ki Vaşinqtonda öz hakimiyyətini gücləndirməyə və Ukrayna ilə Rusiya arasında sülhə diqqət yetirdiyini deyib.

"Trampın bu bir ayda verdiyi açıqlamaları, qərarları, o cümlədən Ukrayna haqqında söylədiklərini müşahidə etdikdən sonra Ağ Ev sahibinin Azərbaycanla Ermənistan arasında sülh yaratmaq üçün vasitəçiliyinə ehtiyac yoxdur. Ermənistanla aramızdakı məsələni özümüz həll edərik, Trampın "töhvəsinə" ehtiyac yoxdur. Tramp qoy Panama kanalı, Qrenlandiya, Kanada, müxtəlif dövlətlərə qarşı rüsumlarla məşğul olsun, Rusiya və Çinlə danışıqları davam etdirsin, Ağ Ev sahibini Cənubi Qafqazdakı problemlərin timsalında əlavə mövzu ilə yükləmək düzgün deyil".

Asya
Milli.Az