Siyasət

Elmira Süleymanovanın əziz xatirəsinə - VİDEO

25 Aprel 2024 18:58
Baxış: 827

"Belə kadrlar gördüm televizorda. Cənab Prezident maşınla gedir, avtomobildə də musiqi səslənir: "Bir anamdan, bir səndən, doya bilmirəm, ey Vətən!"... Bu, onun həyatının leytmotivi, onun qayəsidir. Vətəndən doymamaq, Vətənə xidmət etmək, xalqa xidmət etmək..."

Milli.Az bildirir ki, bu sözləri Azərbaycanın ilk İnsan Hüquqları üzrə müvəkkili (Ombudsman) Elmira Süleymanova Trend BİA-ya müsahibəsində demişdi.

Elmira xanım 87 yaşında dünyasını dəyişdi.

Elmira Teymur qızı Süleymanova 17 iyul 1937-ci ildə Bakı şəhərində anadan olub. Kimya elmləri doktoru, (1980), professor (1981), Azərbaycan Respublikası Prezidentinin fərdi təqaüdçüsü olub. E.Süleymanova 2002-2019-cu illərdə Azərbaycanın İnsan Hüquqları üzrə müvəkkili (Ombudsman) vəzifəsini tutub.

O, Azərbaycan Prezidenti İlham Əliyevin Sərəncamı ilə İnsan hüquqlarının qorunması sahəsində xidmətlərinə görə "Şöhrət" və "Şərəf" ordeni ilə təltif edilib.

Elmira xanım gerçəkdən də, şöhrətli və şərəfli xanım idi.

Əsl Azərbaycan xanımı...

Milli.Az

 

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.