Texas ABŞ-dan ayrılmaq istəyir: ölkənin yarısı Vaşinqtona QARŞI ÇIXDI - FOTO

"Mən bütün ştatları qeyri-qanuni mühacirlərin ölkəyə girişinin qarşısını almaq və onları sərhəddən geri göndərmək üçün təhlükəsizlik qüvvələrini yerləşdirməyə çağırıram".

ABŞ-ın sabiq prezidenti, yenidən dövlət başçısı seçilməyə hazırlaşan Donald Tramp dünən belə bəyanatla çıxış edib.

Texasda sərhədləri qorumaq üçün səfərbərlik elan edilib. Texas sərhəd mübahisəsinə görə ABŞ prezidenti Baydenə qarşı bayraq qaldırıb. 25 Respublikaçı ştat birgə bəyanat yayaraq Texasın tərəfini tutdu.

Digər ştatlardan Milli Qvardiya sərhədləri qorumaq üçün Texasa gəlib.

Vaşinqtonun əməliyyatı dayandırmaq əmrinə məhəl qoyulmadı.

Yeni Konfederasiyanın hərbi gücü 209.800 nəfərdən 102 min nəfərdir, yəni ABŞ Milli Qvardiyasının gücünün demək olar ki, yarısıdır.

ABŞ-də vəziyyət durmadan gərginləşir.

Texas qubernatoru Abbott, daha 10 ştatın Texasın məsuliyyət bölgəsində olan Meksika ilə sərhədə Milli Qvardiya bölmələrini göndərdiyini söylədi.

Abbott federal mərkəzlə qarşıdurmaya hazır olduğunu da qeyd edib.

Texasın vitse-qubernatoru ABŞ prezidenti Cozef Baydenə güc strukturları ilə qarşıdurmada "yoldan çəkilməyi" və vəziyyəti gərginləşdirməməyi məsləhət görüb.

Fox News telekanalının efirində danışan vitse-qubernator bildirib ki, güc strukturları ilə qarşıdurmaya gedəcəyi halda Bayden administrasiyası ən böyük səhvini buraxmış olacaq.

"Sərhəddə bizim milli qvardiya ilə qarşıdurmaya getmək Bayden administrasiyasının ən böyük səhvi olacaq. Biz Amerika xalqının istədiyini həyata keçirməklə məşğuluq", - o deyib.

Qeyd edək ki, Texas qubernatoru qanunsuz miqrasiyanın qarşısını almaq üçün Meksika ilə sərhəddə 50 kilometrlik tikanlı məftildən sədd çəkib. Bayden administrasiyası bu qərardan Ali Məhkəməyə şikayət edib. Yanvarın 22-də məhkəmə administrasiyanın xeyrinə qərar çıxarıb və qubernatorun səlahiyyətlərini aşdığını elan edib. Bayden sərhədçilərə tikanlı məftilləri sökmək əmri verib. Bundan sonra Texas qubernatoru ştatın ABŞ-ə xüsusi hüquqlarla daxil olmasını nəzərə alaraq, Texasın işğala məruz qaldığını bəyan edib.

Qubernator Texasın problemlərinin özünün həll edəcəyini deyib.

"Texit" hərəkatının nümayəndələri respublikaçıların praymerizində Texasın müstəqilliyi məsələsini səsvermə bülleteninə yerləşdirəcəklərini bildiriblər. Buna səbəb ABŞ-Meksika sərhədinin qanunsuz miqrant axınından qorunması ilə bağlı mübahisə olub.

Texasda ABŞ-dan ayrılma çağırışları Konqresdə immiqrasiya nəzarəti ilə bağlı mübahisələr fonunda ortaya çıxıb.

Newsweek-in məlumatına görə, Texas Milli Partiyası Hərəkatı (TNM, eyni zamanda "Texit" kimi tanınır) respublikaçıların praymerizlərində ştatın müstəqilliyi məsələsini səsvermə bülleteninə qoyacağını bildirib - onlar ABŞ-ın hər ştatında keçiriləcək. Hərəkatın qərarı artıq Texasda tələb olunan 97 minə qarşı 139 min səs toplayaraq böyük dəstək alıb.

TNM Texasın müstəqilliyini təbliğ edən regionun ən böyük təşkilatı hesab olunur. Ştat senatoru Bob Holl bu il ilk TNM konfransında çıxış etdi. Bir çox mühafizəkarlar və respublikaçılar da bu təşəbbüsü dəstəkləyir.

Qarşıdan gələn GOP praymerizlərində hərəkat sualı qaldırmağı təklif edir: "Texas müstəqil bir millət statusunu bir daha təsdiqləməlidirmi?"

Lakin ştatın Respublika Partiyasının sədri bu təşəbbüsün qarşısını aldı, Newsweek qeyd edir.

Ştat Konstitusiyası ABŞ-dan ayrılmaq imkanını nəzərdə tutur. Bununla belə, Newsweek-ə müsahibə verən ekspertlər xəbərdarlıq edirlər ki, Texasın müstəqilliyi həm ştat, həm də bütövlükdə ABŞ üçün iqtisadi fəlakətə səbəb ola bilər.

TNM-in artan populyarlığı fonunda Texas səlahiyyətliləri sərhədlərin mühafizəsi məsələsini qaldırmağa qərar verdi. Qubernator Qreq Abbott prezident Co Bayden administrasiyasını ABŞ perimetrini qeyri-qanuni miqrasiyadan qorumaq üçün üzərinə düşən öhdəlikləri yerinə yetirməməkdə günahlandırıb. Buna görə də, Texas hakimiyyəti Meksika ilə sərhədin öz hissəsinin təhlükəsizliyini müstəqil şəkildə təmin etməyə hazırdır.

Texas 1836-cı ildən 1845-ci ilə qədər, ABŞ tərəfindən ilhaq olunana qədər müstəqil respublika idi.

Elçin Alıoğlu
Milli.Az