Siyasət

Vasif Talıbov YAP-ın tədbirində niyə yox idi?..

22 Noyabr 2022 14:35
Baxış: 3 249
#SİYASƏT

Ötən gün Heydər Əliyev Mərkəzində YAP-ın 30 illiyinə həsr olunan tədbirdə Naxçıvan Muxtar Respublikası Ali Məclisinin sədri, partiyanın İdarə Heyətinin üzvü Vasif Talıbovun iştirak etməməsi sosial şəbəkələrdə müzakirələrə səbəb olub.

Milli.Az "Qafqazinfo"ya istinadən xəbər verir ki, bəzi iddialara görə, Vasif Talıbov tədbir keçirilən gün Bakıda olub. Hətta qeyd olunur ki, Talıbov tədbirin keçirildiyi Mərkəzə gəlib, lakin qapıdan içəri buraxılmayıb.

Dünəndən sosial şəbəkədə sözügedən iddia müzakirələrə səbəb olsa da, YAP bu barədə heç bir rəsmi açıqlama yaymayıb. "Qafqazinfo" olaraq mövqe öyrənməyə çalışsaq da, hakim partiya mövzuya heç bir münasibət bildirməyib.

Naxçıvanın Bakıdakı nümayəndəliyi də sualı eşidəndən sonra telefonu bağlayıb.

Qeyd edək ki, bir müddət əvvəl "Naxçıvan Bank"ın "Bakı" şöbəsinin fəaliyyətinin dayandırılması ilə bağlı məlumat yayılmışdı.

Xatırladaq ki, noyabrın birində Naxçıvan Muxtar Respublikasının Dövlət Təhlükəsizliyi Xidməti (DTX) ləğv edilərək Azərbaycan Respublikası Dövlət Təhlükəsizliyi Xidmətinin Naxçıvan Baş İdarəsi yaradılıb. Məlumatlara görə, bu siyasət davam etdirilərək yaxın vaxtlarda digər hüquq-mühafizə orqanlarının da eyni qaydada ləğv olunub baş idarə kimi fəaliyyət göstərəcəyi gözlənilir. 

Bu arada həm ictimaiyyət, həm də ekspertlər tərəfindən Naxçıvanla bağlı aparılan son islahatlar dövlətçiliyin möhkəmləndirilməsi baxımından yüksək qiymətləndirilir.

Milli.Az 

 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.