Siyasət

Ya oyan, ya yan, İran…

21 Noyabr 2022 15:12
Baxış: 1 696

İrana nifrət edirəmmi?

Yox.

Hər şeyə, hər kəsə, hər deyilənə rəğmən- yox.

İran mənim üçün minillərlə tarixə malik məkan, çox zəngin və möhtəşəm musiqisi, kültürü, ənənələri olan yerdir.

Farslara da nifrət yox, olmayıb və olmayacaq da.

"Fars" dedikdə şüuruma Rudəki, Firdovsi, Xəyyam, Sədi, Hafiz, Camidən qəzəllər, rübailər, xümslər gəlir.

"Fars" dedikdə şüuruma Əli ət Təbəri, Cabir ibn Həyyan, Nəcməddin əl Qəzvini, Molla Sədra, Əbubəkr Məhəmməd ər Razi, Sultan Vələd, Əl Fərabi, Qütbəddin əş Şirazi və digər filosoflar gəlir.

"Gəndi məni"ni xatırlayıram.

Amma bütün bunların "İran İslam Respublikası" adlı məkanın siyasəti, hakimiyyəti ilə əsla, fəqət əsla əlaqəsi yox.

"Vilayəti fəqih" adlanan və İslamın həm şəri, həm feli qanunlarına zidd hakimiyyət, insanların kütlə halına salınaraq idarə edilməsinə hesablanmış üsul-idarə, "mənimlə olmayan mənə qarşıdır" kimi bəşər övladının təfəkkürünü çürütməyə yönəlmiş təbliğat, ölkəni xalqlar zindadına və hüquqlar məzarlığına çevirmiş teokratiya...

Bütün bunlara görə İranda məşrutə olmalı.

Məşru əməl olduğu üçün.

İran hakimiyyəti indiki halında və düşüncəsində ətrafdakı bütün ölkələr, xalqlar üçün təhdid, təhlükədir.

İran hakimiyyəti yalnız özünü hakimi-mütləq bilən, amma cahil və qafil zavallılar toplusudur.

Səd heyf ki, belədir.

Ol səbəbdən İranda hakimiyyət dəyişməli, insana qarşı olan indiki mütləqlik dəyişərək insanla olan idarəçilik bərqərar tapmalıdır.

Çünki indiki İranda bütün xalqlar, ilk əvvəl elə farsların özləri biçarə, əzabkeş və məzlumdur.

Məzkur səbəbdən...

Ya oyan, ya yan, İran...

Elçin Alıoğlu
Milli.Az

 

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.