Siyasət

"Onların şəhərlərini viran qoymaq, yer üzündən silmək gərəkdir" - Kadırov yenə "vəcdə gəldi"

25 Oktyabr 2022 09:59

Baxış: 2 045

#RUSİYA-UKRAYNA MÜHARİBƏSİ

"Ukrayna Silahlı Qüvvələrinin hücumlarına Rusiya ordusu zəif cavab verdiyindən xüsusi silahlı əməliyyat çərçivəsində döyüşlər artıq Rusiya ərazisində gedir".

Milli.Az bildirir ki, Çeçenistan Prezidenti, general-polkovnik Ramzan Kadırov Ukraynadakı müharibədə Rusiya ordusunun komandanlığının qərarlarını sərt tənqid edib.

"Fikrimcə, Ukraynanın hücumlarına çox zəif cavab veririk. Əgər ukraynalıların atdıqları mərmilər ərazilərimizə düşürsə, buna cavab olaraq onların şəhərlərini viran qoymaq, yer üzündən silmək gərəkdir. Gərək baxanda uzaqdakı üfüq görünsün. Onlar biz tərəfə atmağı hətta ağıllarına belə, gətirməməlidirlər", - R.Kadırov bəyan edib.

Milli.Az