Siyasət

Ukrayna gələn il müdafiəyə 27 milyard dollardan çox pul ayıracaq

8 Sentyabr 2022 08:38

Baxış: 545

#RUSİYA-UKRAYNA MÜHARİBƏSİ

2023-cü ildə Ukrayna hakimiyyəti müdafiə və təhlükəsizlik ehtiyacları üçün 1 trilyon qrivnadan (27 milyard dollardan çox) çox vəsait ayırmağı planlaşdırır.

Milli.Az APA-ya istinadən xəbər verir ki, bu barədə çərşənbə günü Ukrayna prezidenti Vladimir Zelenski bildirib.

"Gələn il bir trilyon qrivnadan çox vəsait təhlükəsizlik və müdafiə sektoruna yönəldiləcək. Bu, bir nömrəli prioritet olacaq", - deyə o, videomüraciətində hökumət başçısı, maliyyə naziri ilə görüşünün nəticələrindən danışarkən bildirib.

"The Wall Street Journal" yazır ki, Ukraynanın hərbi xərclərə görə büdcə kəsiri ayda təxminən 5 milyard dollar təşkil edir, bu səbəbdən ölkə sosial öhdəliklərini yerinə yetirməkdə çətinliklərlə üzləşir.

Xüsusilə, münaqişə ilə bağlı xərclər büdcənin təxminən 60%-ni, vergi gəlirləri isə dövlət xərclərinin yalnız 40%-ni əhatə edir.

Milli.Az