Siyasət

Əli Şəfiyev: "Ötən il Azərbaycanda narkotik vasitələrin qanunsuz dövriyyəsi ilə məşğul olan 26 transmilli mütəşəkkil cinayətkar dəstə zərərsizləşdirilib"

15 Mart 2012 12:55
Baxış: 5 090
Ötən il Azərbaycanda narkotik vasitələrin, psixotrop maddələrin qanunsuz dövriyyəsi ilə məşğul olan 26 transmilli mütəşəkkil cinayətkar dəstə və qrupun, ayrı-ayrı şəxslərin fəaliyyətinin qarşısı alınıb. Trend-in məlumatına görə, bunu cümə axşamı milli təhlükəsizlik nazirinin müavini Əli Şəfiyev "Milli təhlükəsizliyin təmin olunmasında gənclərin rolu" mövzusunda elmi-praktik konfransda çıxışı zamanı deyib.

Onun sözlərinə görə, onlardan ümumilikdə 600 kq-dan artıq narkotik vasitə və psixotrop vasitə götürülərək qanunsuz dövriyyədən çıxarılıb.

Şəfiyev deyib ki, Rusiya və Ukraynadan olan tərəfdaşlar ilə birgə keçirilmiş əməliyyat nəticəsində 7 beynəlxalq cinayətkar dəstə və ayrı-ayrılıqda 25 nəfər zərərsizləşdirilib, onlardan 353 kq narkotik vasitə götürülüb.

Milli.Az

 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.