Sağlamlıq

Saç əkdirməyə ehtiyac yoxdur - 3 aya tük çıxardır

10 Avqust 2025 23:55

Baxış: 509

VTB-də yüksək depozit faizleri daha çox qazandırır

#SAĞLAMLIQ

Derma rollinq (mikroiynələmə) proseduru həm dermatoloqlar, həm də evdə dəriyə qulluq edənlər arasında getdikcə populyarlaşır.

Milli.Az xəbər verir ki, bu üsul dəri bərpasını, kollagen və elastin istehsalını stimullaşdıraraq həm də saç və saqqal çıxmasını sürətləndirə bilir.

Derma roller dərinin üst qatını (epidermis) mikroiynələrlə yüngülcə deşərək dərinin dermis qatını "təcili bərpa rejiminə" salır. Nəticədə həmin sahəyə qan dövranı artır, kollagen və elastin ifraz olunur, bu da həm dərinin daha hamar görünməsinə, həm də saç follikullarının aktivləşməsinə səbəb olur.

Araşdırmalara görə, derma roller istifadəsi iki əsas mexanizmlə saç çıxmasını dəstəkləyir. Güclü dəri bazası formalaşdırır, epidermisin elastikliyini və sağlamlığını artıraraq saç follikullarının fəaliyyətini yaxşılaşdırır. Passiv saç follikullarını oyadır, dermisdə hüceyrə hərəkətliliyini artıraraq yeni saçların böyüməsini təşviq edir.

1990-cı illərin sonlarında çapıq müalicəsində tətbiq edilən bu texnika sonradan evdə qulluq vasitəsi kimi də yayılıb. Dermatoloqlar bildirirlər ki, derma roller istifadəsi dərman və kosmetik vasitələrin dəriyə hopma faizini də yüksəldir.

Alopeciya (saç tökülməsi) xəstələri üzərində aparılan bir araşdırma göstərib ki, minoksidil ilə birlikdə derma roller istifadə edənlərdə artıq bir həftə ərzində mövcud saçların böyüməsi sürətlənib, altı həftədə isə nəzərəçarpacaq yeni saçlar çıxıb. Ümumilikdə, mikroiynələmə tətbiq edənlərdə saç sayı digər qrupdan yüksək olub.

Mütəxəssislər qeyd edirlər ki, düzgün və müntəzəm istifadə olunduğu halda, derma roller həm dəri keyfiyyətini yaxşılaşdırmaq, həm də saqqal və saç tökülməsinə qarşı mübarizədə təsirli ola bilər.

Milli.Az