Sağlamlıq

Kartof fri şəkər yaradır - Xəbərdarlıq

10 Avqust 2025 23:45
Baxış: 1 424
VTB-də minimal faiz dərəcəsi ilə nağd kredit 9.9%-dən
#SAĞLAMLIQ

Qızarmış kartof 2-ci tip diabet riskini 20 faiz artırır - elmi araşdırma

Son illərdə aparılan elmi tədqiqatlar qızarmış kartofun 2-ci tip diabet riskini artırdığına dair nəticələr ortaya qoyur.

Milli.Az xəbər verir ki, ABŞ-nin Harvard Universitetində həyata keçirilən genişmiqyaslı araşdırma göstərir ki, gündəlik qızarmış kartof istehlakı 2-ci tip diabet xəstəliyinin inkişaf riskini təxminən 20 faiz yüksəldə bilər.

Alimlər bunun əsas səbəbi kimi qızarmış kartofun yüksək qlikemik indeksini və yağda qızardıldığı üçün doymuş yağlarla zəngin olmasını göstərirlər. Belə qidalar qan şəkərinin sürətlə qalxmasına, insulin müqavimətinin artmasına və nəticədə diabetin yaranmasına şərait yaradır.

Dünyada 2-ci tip diabet xəstələrinin sayı getdikcə artmaqda davam edir. Ümumdünya Səhiyyə Təşkilatının məlumatına görə, bu xəstəlik qlobal sağlamlıq problemi kimi gündəmdədir və pəhriz vərdişlərinin düzgün tənzimlənməsi xəstəliyin qarşısını almaqda əsas rol oynayır.

Sağlam qidalanmaq və diabet riskini azaltmaq üçün qızarmış kartof kimi yüksək kalorili və yağlı qidalardan mümkün qədər uzaq durmaq, tərəvəzlər, tam taxıllar və zülal mənbələri ilə zəngin balanslı pəhriz saxlamaq tövsiyə olunur.

İsmayıl
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.