Mobil telefon

Xiaomi Mi Mix 2S smartfonu təqdim olundu

31 Mart 2018 08:01
0 Şərh     Baxış: 1 211
VTB-də minimal faiz dərəcəsi ilə nağd kredit 9.9%-dən

Çinin "Xiaomi" şirkəti "Mix" adlı çərçivəsiz qurğular xəttinə aid  "Mi Mix 2S" adlı yeni smartfonunu təqdim edib.

"Xiaomi" şirkətinin yeni qabaqcıl smartfonu keramika və möhkəm alüminiumdan hazırlanmış korpusa, 1080x2160 piksel təsvir ölçüsü və tərəflər nisbəti 18:9 olan 5,99 düymlük AMOLED displey, "Qualcomm Snapdragon 845" qabaqcıl prosessoru və "Qi" simsiz enerjidoldurma texnologiyasına malikdir.

Milli.Az ICTnews-a istinadən bildirir ki, "Mi Mix 2S" smartfonu optik sabitləşmə sisteminə malik ikiqat əsas kamera (12 meqapiksellik genişbucaqlı və telefoto moduldan ibarətdir) ilə təchiz edilib. Bundan başqa, kameraların proqram təminatı süni intellekt elementləri sayəsində portretlərdə fonu daha yaxşı bulandırmağa və kadrda mətni tanımağa imkan verir (sonuncu funksiya ani bir zamanda məbləği bir valyutadan digərinə keçirtməyə imkan verir. Nəhayət, smartfon "Google ARCore" virtual reallıq platformasını dəstəkləyir, "Xiao AI" adlı səsli köməkçi, həmçinin sifətin tanınması sistemi ilə təchiz edilib.

İstehsalçıların iddiasına görə, "Mi Mix 2S" bir sıra parametrlərə görə "iPhone X" smartfonunu üstələyir. Məsələn, "Android 8" sisteminin idarəetməsi altında işləyən yeni smartfon daha keyfiyyətli şəkillər çəkməyə imkan verir və oyun həvəskarları üçün yüksək rahatlığı ilə seçilir. Bundan başqa, akkumulyator batareyasının avtonom iş müddəti daha uzunmüddətlidir.

Milli.Az

Azernews Newspaper

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.