Mobil telefon

Bezdirici reklam SMS-lərindən qurtulmağın - YOLU

11 Aprel 2015 23:35

0 Şərh Baxış: 2 721

VTB-də yüksək depozit faizleri daha çox qazandırır

#MOBİL TELEFON

Ölkədə mobil telefon abunəçilərinə göndərilən kütləvi reklam mesajları etirazlara səbəb olduqdan və bununla bağlı Milli Məclisdə deputatlar tərəfindən tənqidi çıxışlar edildikdən sonra mobil operatorlar tərəfindən filtrasiya sisteminin tətbiqi gündəmə gəlib.

Azərbaycanın ən böyük mobil operatorlarından biri olan Azercell şirkəti öz müştəri məmnunluğunu artırmaq məqsədi ilə artıq SMS-lərin filtrasiyasını aparmaq qərarına gəlib.

Milli.Az ICTnews-a istinadən bildirir ki, sözügedən şirkət ölkədə ilk dəfə olaraq müştəriləri üçün xüsusi SMS filtrasiyasının tətbiqinə başlayıb.

Azercell-dən verilən məlumata görə, SMS filtrini tətbiq etməklə abunəçilərin nömrələrinə gələn reklam SMS-lərin qarşısını almaq mümkündür. Abunəçi SMS filtrasiya xidmətindən çox asanlıqla yararlana bilər.

Belə ki, abunəçi 9005 qısa nömrəsinə STOP mətnli və yaxud boş SMS göndərməklə, arzuolunmaz reklam mətnlərinin öz nömrəsinə gəlməsini dayandıra bilər.

Qeyd edək ki, belə SMS göndərişi zamanı nömrənin balansından heç bir məbləğ çıxılmır.

Milli.Az