Texnologiya

Cibinizdəki "saatlı bomba": Hər gün etdiyimiz bu hərəkət telefonu daxildən məhv edir

8 Aprel 2026 20:25

Baxış: 2 948

VTB-də minimal faiz dərəcəsi ilə nağd kredit 9.9%-dən

#MOBİL TELEFON

Smartfonunuzun batareyası gözlədiyinizdən tez bitir? Cihazınız tez-tez qızır və donur? Çoxumuz buna səbəb kimi proqram yenilənmələrini və ya cihazın köhnəlməsini görürük. Lakin əsl həqiqət tamamilə fərqlidir. Məlum olub ki, telefon istifadəçilərinin demək olar ki, hamısının hər gün doğru bildiyi bir vərdiş, əslində cihazı daxildən sıradan çıxarır.

Milli.Az xəbər verir ki, texnologiya nəhəngləri (Apple və Google) istifadəçiləri dəfələrlə xəbərdarlıq etsə də, çoxu hələ də bu "gizli təhlükə"dən xəbərsizdir. Budur, telefonunuzun ömrünü yarıbayarı qısaldan o səhvlər:

Əksər istifadəçilər batareyaya qənaət etmək üçün istifadə etdikləri tətbiqləri dərhal yuxarı sürüşdürərək tamamilə bağlayırlar. Lakin bu, ən böyük yanlışdır! Arxa fonda açıq qalan tətbiqlər əslində "dondurulmuş" vəziyyətdə olur və enerji sərf etmir. Siz onları tam bağlayıb yenidən açdıqda isə telefonun mərkəzi prosessoru sıfırdan yüklənir və batareyadan ikiqat enerji tələb edir. Bu, cihazın həm qızmasına, həm də batareya ömrünün sürətlə tükənməsinə səbəb olur.

Telefonu yatarkən şarja qoyub səhərə qədər saxlamaq batareyanın "kimyəvi ölümünə" yol açır. Müasir batareyalar üçün ən ideal doluluq səviyyəsi 20% ilə 80% arasıdır. Cihaz 100% olduqdan sonra elektrik şəbəkəsində qalmağa davam etdikdə, batareya "stres" vəziyyətinə düşür və daxili hüceyrələri daha tez sıradan çıxır.

"Eyni işi görür" deyib aldığınız ucuz kabellər və başlıqlar gərginliyi tənzimləyə bilmir. Bu isə telefonun ana kartındakı həssas çiplərin qısaqapanmasına və yanmasına gətirib çıxarır.

Əgər telefonunuzun illərlə sürətli və sağlam qalmasını istəyirsinizsə, tətbiqləri arxa fonda bağlamayın, enerjini 80%-ə çatanda dayandırın və yalnız orijinal şarj cihazlarından istifadə edin.

Səkinə Yusifova
Milli.Az