Dağlıq Qarabağ münaqişəsi

Oslodakı soydaşlarımız qalibiyyətimizi bayram ediblər

19 Noyabr 2020 18:44
Baxış: 271

Norveçin paytaxtı Osloda fəaliyyət göstərən Nizami Gəncəvi adına həftəsonu məktəbinin təşkilatçılığı ilə müstəqil Azərbaycan dövlətinin böyük qələbəsinə həsr olunmuş "Biz Qalibik!" adlı tədbir keçirilib.

Diasporla İş üzrə Dövlət Komitəsindən Milli.Az-a verilən məlumata görə, Oslodakı "Azərbaycan Evi"ndə baş tutan tədbir ölkəmizin dövlət himni ilə başlayıb. "Azərbaycan Evi"nin sədri, Skandinaviya Azərbaycanlıları Koordinasiya Şurasının Norveç üzrə əlaqələndiricisi Ramil Əliyev çıxış edərək həmyerlilərimizi və şagirdləri bu böyük qələbə münasibəti ilə təbrik edib.

Tədbir çərçivəsində təşkil olunmuş guşədə mədəni irsimiz, işğaldan azad olunmuş torpaqlarımızla bağlı kitab və jurnallar, şagirdlərin əl işləri sərgilənib.

Milli.Az

 

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.