Cəmiyyət

Avro əskinasları dəyişdirilir

24 Sentyabr 2026 11:50

Baxış: 292

VTB-də minimal faiz dərəcəsi ilə nağd kredit 9.9%-dən

Yeni avro əskinasları 2030-cu illərin əvvəlindən dövriyyəyə buraxılacaq

Milli.Az xəbər verir ki, yeni avro əskinaslarının dövriyyəyə buraxılmasına 2030-cu illərin əvvəllərindən başlanılması planlaşdırılır.

Avropa Mərkəzi Bankının (AMB) məlumatına görə, yeni əskinaslar daha ekoloji və istifadədə daha rahat olacaq. Həmçinin onların üzərində təkmilləşdirilmiş mühafizə elementlərinin tətbiqi nəzərdə tutulur.

Əskinasların yeni dizaynı ilə bağlı qərarın 2026-cı ilin sonunadək qəbul edilməsi planlaşdırılır. AMB-nin İdarə Heyəti qərar verərkən texniki qiymətləndirməni, müstəqil münsiflər heyətinin tövsiyələrini və iyulun 23-dən sentyabrın 21-dək keçirilmiş genişmiqyaslı sorğunun nəticələrini nəzərə alacaq.

Sorğuda Avropada və digər ölkələrdə ümumilikdə 9,96 milyon nəfər iştirak edib. Avrozonada əhalinin 2,6 faizi təqdim olunan dizayn variantlarından birinə səs verib. AMB gənclərin səsvermədə daha fəal iştirak etdiyini bildirib.

İştirakçılara "Avropa mədəniyyəti" və "Çaylar və quşlar" mövzuları üzrə qruplaşdırılmış 10 dizayn variantı təqdim olunub.

AMB isə bu mərhələdə sorğunun nəticələrini açıqlamamaq qərarına gəlib.

Müəllif: Malik Məlikov (Milli.Az redaktor)