İran

888 şallaq - İran Azərbaycanı dəstəkləyən soydaşlarımızı bu cəzaya məhkum etdi - VİDEO

12 Oktyabr 2021 12:02

4 Şərh Baxış: 3 595

VTB-də minimal faiz dərəcəsi ilə nağd kredit 9.9%-dən

#VİDEO #MƏHKƏMƏ

İran məhkəməsi ötən ilin oktyabrında saxlanılan Qarabağa dəstək aksiyasının 12 iştirakçısına hökm oxuyub.

Milli.Az xəbər verir ki, bu barədə "AzadliqRadiosu"nun Alive proqramında deyilir. Təqsirləndirilən şəxslərə 180 ay həbs cəzası, həmçinin 888 şallaq zərbəsi kəsilib.

Hüquq müdafiəçisi Nağı Mahmudinin sözlərinə görə, bu şəxslər sağlamlığa ağır zərər vurmaqda, asayişi pozmaqda, həmçinin hüquq-mühafizə orqanlarının əməkdaşlarına müqavimət göstərməkdə ittiham olunurlar. N. Mahmudi qeyd edib ki, həbs olunanlar ittihamlarla razılaşmırlar.

"Onlar ittihamlarla razı deyillər. Çünki etirazçılar sadəcə Ərdəbil parklarının birində plakatlarla Qarabağın azad edilməsi əməliyyatına dəstəyini bildirmək üçün toplaşıblar. Heç bir əxlaqsız hərəkət edilməyib", - deyə hüquq müdafiəçisi bildirib. Ötən ilin oktyabr ayında İranda Azərbaycana dəstək aksiyalarının keçirildiyi qeyd olunur. 30-dan çox iştirakçı saxlanılıb, onlardan 12-si barəsində cinayət işləri açılıb.

Kamran Seyidov
Milli.Az