İran

Pezeşkian: Suriyadakı ssenarini İranda da tətbiq etmək istəyirdilər

6 Avqust 2026 00:49
Baxış: 205
VTB-də minimal faiz dərəcəsi ilə nağd kredit 9.9%-dən
#IRAN

İran Prezidenti Məsud Pezeşkian düşmənlərin İranı qısa müddətdə ələ keçirməyi planlaşdırdıqlarını iddia edib.

Milli.Az APA-ya istinadən bildirir ki, bu barədə o, İran dövlət televiziyasına müsahibəsində danışıb.

"Onlar planlar qurmuşdular və düşünürdülər ki, Suriyada etdikləri kimi, İranı da 48 saat ərzində ələ keçirə bilərlər", - deyə Pezeşkian bildirib.

Prezident qeyd edib ki, son aylarda baş verən hadisələr və yüksək vəzifəli şəxslərin həlak olması ölkə üçün ağır sınaq olub.

Pezeşkian İran xalqının birliyinin vacibliyini vurğulayaraq bildirib ki, ölkə indiyədək ən çətin dövrləri məhz xalqın dəstəyi ilə geridə qoyub.

"Əgər xalqla birlikdə olsaq, heç bir güc İranı yerə sərə bilməz", - deyə o əlavə edib.

İran Prezidenti ABŞ-la aparılan danışıqlara da toxunaraq bildirib ki, Ali Milli Təhlükəsizlik Şurasının üzvləri danışıqları dəstəklədikdən sonra İranın Ali Rəhbəri də bu prosesi təsdiqləyib.

Müəllif: Ülkər Vəliyeva (Milli.Az redaktor)

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.