İran

İran onları terror təşkilatı ELAN ETDİ

22 Fevral 2026 12:54
Baxış: 1 194
VTB-də minimal faiz dərəcəsi ilə nağd kredit 9.9%-dən
#IRAN #AVROPA İTTİFAQI

İran Xarici İşlər Nazirliyi Avropa İttifaqına (Aİ) üzv ölkələrin hava və dəniz qüvvələrinin terror təşkilatı siyahısına salındığını açıqlayıb.

Milli.Az qafqazinfo-ya istinadən xəbər verir ki,  rəsmi Tehranın bu qərarı "qarşılıqlılıq" prinsipi əsasında qəbul edilib.

İran tərəfinin bəyanatında qeyd olunur ki, Aİ-nin İran İslam İnqilabı Keşikçiləri Korpusunu (SEPAH) "terror təşkilatı" kimi tanıması qanunsuzdur:

"Çünki bu qurum ölkənin rəsmi silahlı qüvvələrinin bir hissəsidir. Buna cavab olaraq, rəsmi Tehran Avropa dövlətlərinin hərbi hava və dəniz bölmələrini terrorçu elan edərək analoji addım atıb".

Xatırladaq ki, Aİ-nin Xarici İşlər və Təhlükəsizlik Siyasəti üzrə Ali Nümayəndəsi Kaya Kallas quruma üzv ölkələrin nazirlərinin SEPAH-la bağlı ortaq qərar qəbul etdiyini bildirmişdi. Kallas bu addımı "Təzyiq cavabsız qala bilməz" şüarı ilə elan edərək, İranın daxili və xarici siyasətinə qarşı sanksiyaların genişləndirildiyini vurğulamışdı.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.