İran

Sentyabrda İranı ABŞ ya İsrail vura bilər?

21 Aprel 2025 23:35
Baxış: 2 351
VTB-də minimal faiz dərəcəsi ilə nağd kredit 9.9%-dən
#IRAN #İSRAİL #ABŞ

Sentyabrda İrana hərbi zərbə ehtimalı gündəmdədir

Milli.Az xəbər verir ki, bu barədə "Hürriyet" qəzeti məlumat yayıb. Qəzetin yazdığına əsasən, ABŞ Prezidenti Donald Tramp hərbi müdaxiləyə üstünlük verməsə də, vəziyyətin gedişi Tehranla aparılan nüvə danışıqlarının nəticələrindən asılı olacaq.

Əgər Vaşinqton və Tehran arasında aparılan danışıqlarda nəticə əldə olunmasa, o zaman İrana qarşı hərbi əməliyyat ehtimalı gündəmə gələ bilər. Xarici mənbələr isə mümkün hücum vaxtı kimi sentyabr ayını göstərirlər. Hətta müzakirələrin nəticəsindən asılı olaraq, İrana qarşı zərbə planlarının masada olduğu bildirilir.

Maraqlı məqam ondan ibarətdir ki, Qərb mənbələri mümkün zərbəni ABŞ yox, İsrailin həyata keçirəcəyini iddia edir. ABŞ-ın isə birbaşa müdaxilə etməyəcəyi, lakin İsrailin əməliyyatlarına maneə törətməyəcəyi və logistik dəstək göstərəcəyi qeyd olunur.

Mənbələrə əsasən, İsrail artıq planlarını hazır vəziyyətə gətirib. Belə bir ssenarinin reallaşması bölgədə ciddi gərginlik yaradacağı üçün, ekspertlər ümid edirlər ki, bu istiqamətdə danışıqlar müsbət nəticələnəcək və region böyük təhlükədən qorunacaq.

Asya
Milli.Az 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.