Maraqlı

Britaniyalı deputat südəmər oğlu ilə işə gəlmək hüququ tələb edir - FOTO

25 Noyabr 2021 10:14
0 Şərh     Baxış: 692

Böyük Britaniyanın Leyboristlər Partiyasından olan deputat Stella Kreysi İcmalar Palatasının gənc deputatların körpə uşaqlarla iclaslara gəlməsini qadağan edən yeni qaydalarını demokratiya üçün məhvedici adlandırıb.

"Görünür, bütün dünya parlamentlərinin anası olan bir palatada analar görünməz və eşidilməz olmalıdır" - deyə o, "Twitter" səhifəsində yazıb.

Milli.Az Oxu.az-a istinadən xəbər verir ki, Kreysi əvvəllər də südəmər qızını, indi isə üç aylıq oğlunu işə gətirdiyini və bunun heç vaxt problem olmadığını deyib. Lakin çərşənbə axşamı körpə ilə qatıldığı son görüşdən sonra ona məlumat verilib ki, körpə ilə Vestminsterdə debata qatılmaq qaydaların pozulmasıdır.

İcmalar Palatasının spikeri ser Lindsi Hoyl prosedur komitəsindən araşdırma aparmağı xahiş edib. O, deputatlara bildirib ki, valideynlərin palatanın işində tam iştirak edə bilməsi son dərəcə vacibdir.

Milli.Az

Məqaləyə dair fotomateriallar:

35 000 AZN-dək krediti ONLAYN sifariş et!

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.