Maraqlı

Qara bibər koronavirusu məhv edirmiş

14 Noyabr 2021 12:15
0 Şərh     Baxış: 929
VTB-də minimal faiz dərəcəsi ilə nağd kredit 10.49%-dən

Alimlər müəyyən ediblər ki, bəzi təbii alkaloidlər, xüsusən də qara bibərin tərkibindəki piperin, COVID-19-un hüceyrələrə yoluxma qabiliyyətini maneə törədir.

Milli.Az-ın "Report"a istinadən məlumatına görə, bu barədə Rusiya Elmlər Akademiyasının Sitologiya İnstitutunun mətbuat xidməti xəbər yayıb.

"Ən təsirli birləşmə - piperin - qara bibərin tərkibindədir", - Rusiya Elmlər Akademiyasının baş elmi işçisi Olqa Ostroumova bildirib.

O qeyd edib ki, bu çoxdan məlumdur və müxtəlif tibbi məqsədlər üçün bioaktiv əlavələrdə istifadə olunur.

Rusiyalı mütəxəssisin sözlərinə görə, Sankt-Peterburq alimləri hazırda insan hüceyrələrinin lipid membranlarının və koronavirusun birləşməsini maneə törədə bilən maddələri öyrənirlər.

Tədqiqatçılar müəyyən ediblər ki, piperin virusun lipid örtüyünün xüsusiyyətlərini dəyişib. Nəticədə virus hüceyrələrə nüfuz etmir və bununla da onun yayılması dayandırılır.

Piperin (C17H19NO3) COVID-19-un qarşısının alınması və müalicəsi üçün effektiv pəhriz əlavələrinin yaradılması üçün əsas alkaloid ola bilər.

Milli.Az

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.