Maraqlı

İmperator pinqvinlər yox olmaq təhlükəsi altındadırlar

5 Avqust 2021 22:55
0 Şərh     Baxış: 845
VTB-də minimal faiz dərəcəsi ilə nağd kredit 9.9%-dən
#DÜNYADA

ABŞ-ın balıqçılıq və vəhşi təbiətin qorunması üzrə idarəetməsi imperator pinqvinlərini məhv olmaq təhlükəsi altnda olan heyvan növləri siyahısına daxil etmək istəyir. Belə ki, sözügedən növ pinqvinlər iqlim dəyişiklikləri səbəbilə məhv ola bilərlər. Global Change Biology adlı elmi jurnalın aparmış olduğu yeni tədqiqata əsasən imperator pinqvin koloniyalarının 70%-i 2050-ci ilə kimi təhlükə altına düşəcəklər. 2100-cü ilə kimi isə koloniyaların 80%-i məhv olacaq. Tədqiqatı aparmş müəlliflərin fikirlərinə əsasən əgər iqlim dəyişiklikləri üzrə Paris sazişinin tələblərinə uyğun olaraq parnik qazlarının emissiyaları aşağı endirilsə, bu pinqvinlərin populyasiyalarının dəstəklənməsi üçün yetəri qədər dəniz buzu mövcud ola biləcək.

"İmperator pinqvinlərinin həyat dövrləri dəniz buzu ilə əlaqəlidir. Dəniz buzu onların çoxalmalarına və qidalanmalarına yardımçı olur" - deyə alimlərdən biri qeyd edib. Cavan pinqvinlərin öz körpə lələklərini daha hamar böyük lələklərə dəyişmələrindən öncə dəniz buzu yox olarsa, onlar soyuq suda üzə bilməyəcəklər və məhv olacaqlar. Təbiətin qorunması üzrə beynəlxalq birlik hal hazırda imperator pinqvinlərini yox olmaq təhlükəsi ilə qarşı-qarşıya qalan heyvan növlərinə aid edir. Pinqvinlərdən əlavə olaraq mütəxəssislər yox olmaq təhlükəsi altında qalan heyvan növlərinə digər təmsilçini də daxil etməyi məsləhət görüblər. Söhbət, ağ ayıdan gedir.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.