Maraqlı

Göz üçün faydalı qidalar

20 İyul 2021 22:50
0 Şərh     Baxış: 1 147
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Gözləri qorumaq üçün həm gigiyenik qaydalara, həm də qida rasionuna riayət etmək lazımdır. Orqanizmin sağlamlığı həm də düzgün qidalanmadan asılıdır. Görmə qabiliyyətinə müsbət təsir edən əsasən antioksidantlar, C vitamini, Omeqa-3-lə zəngin olan qidalardır.

Milli.Az AZƏRTAC-a istinadən bildirir ki, həkim-oftalmoloq Gültəkin Məmmədova deyib: "Həftədə bir dəfə dəniz məhsulları və balıq yemək tövsiyə olunur. Cevizlərin tərkibində Omeqa-3 çoxluq təşkil edir. Gündə beş-altı ədəd qoz, fındıq, badam, püstə yemək də göz sağlamlığı üçün çox faydalıdır. Çiy və ya yüngül bişmiş halda kök, beta-karotinlə zəngin olan qarğıdalı kimi məhsullar da gözün qidalanmasında mühüm rol oynayır. Çoxlu su içmək və gigiyena qaydalarına əməl edilməsi də vacib məsələdir".

Göz xəstəliyindən əziyyət çəkənlər də qida rejiminə diqqət yetirməlidirlər: "Hər hansı göz xəstəliyi varsa, qida əlavəsi deyilən vitamin kompleksi qəbul olunmalıdır. Məsələn, yaşla əlaqədar olaraq distrofiyanın müalicəsində lütein çatışmazlığı olur və bu zaman lütein tərkibli preparatlar təyin olunur",- deyə həkim-oftalmoloq bildirib.

Qeyri-sağlam qidalanma gözlərin fəaliyyətinə mənfi təsir edir. Ona görə də hər zaman faydalı ərzaqlara üstünlük vermək məsləhətdir.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.