Bu məişət texnikası "Wi-Fi"nizi "öldürə" bilər: dərhal uzaqlaşdırın

Evdə internetin sürətini və sabitliyini artırmaq üçün bəzi cihazları routerdən bir qədər uzaqlaşdırmaq kifayət edə bilər. Bir çoxumuz evdə internetin qəfil zəifləməsi ilə qarşılaşmışıq. Belə hallarda ilk ağla gələn internet provayderinə zəng etmək və ya yeni router almaq olur.

Milli.Az xəbər verir ki, mütəxəssislər problemin səbəbinin çox vaxt siqnal mənbəyinə həddindən artıq yaxın yerləşdirilən məişət texnikasında gizləndiyini bildirirlər. 

Routerdən uzaq saxlamağın tövsiyə olunduğu əsas cihazlar bunlardır:

Videomüşahidə sistemləri və uşaq nəzarət cihazları;

Simsiz səsgücləndiricilər və digər Bluetooth qurğuları;

Smart televizorlar və "ağıllı ev" sistemlərinin elementləri.

Xüsusilə təhlükəsizlik sistemləri və ya ağıllı ev qurğuları fasiləsiz şəkildə məlumatları bulud yaddaşına ötürdükdə problem daha da dərinləşir. Bu, şəbəkənin ötürmə qabiliyyətinə əlavə yük yaradır. Nəticədə onlayn oyunlar donmağa, filmlər isə ləng işləməyə başlayır.

İnternetin əvvəlki sürətini qaytarmaq üçün tarif paketini dəyişmək və ya yeni avadanlıq almaq vacib deyil. Bunun üçün evdə bir neçə sadə dəyişiklik etmək kifayətdir.

Məsafə yaradın. Televizorları, səsgücləndiriciləri və uşaq nəzarət cihazlarını routerdən ən azı bir neçə metr uzaqlaşdırın.

Kabellərdən istifadə edin. Əgər smart televizor və ya oyun konsolu routerə yaxındırsa, onları Ethernet kabeli vasitəsilə birbaşa qoşun. Bu, simsiz şəbəkədəki yükü azaldacaq və smartfonlar, planşetlər, noutbuklar üçün daha sabit bağlantı təmin edəcək.

Router üçün düzgün yer seçin. Routeri mənzilin mərkəzinə, məsələn, dəhlizə yerləşdirmək daha məqsədəuyğundur. Belə olduqda siqnal otaqlar arasında daha bərabər paylanır və az maneə ilə qarşılaşır.

Künclərdən və qapalı yerlərdən uzaq saxlayın. Routeri döşəmədən bir qədər yuxarıda yerləşdirin və onun qalın daşıyıcı divarlar və ya iri mebellərlə əhatə olunmadığından əmin olun./Lent.az