Dünya

OpenAI “ChatGPT”nin yeni funksiyasını Messi ilə tanıtdı

14 İyun 2026 17:10
Baxış: 353
VTB-də minimal faiz dərəcəsi ilə nağd kredit 9.9%-dən

"OpenAI" süni intellekt əsaslı "ChatGPT" platformasının yeni reklam çarxını yayımlayıb.

Milli.Az xəbər verir ki, qısa videoda 2022-ci ildə Qətərdə keçirilən futbol üzrə dünya çempionatının qalibi olan Argentina millisinin hücumçusu Lionel Messi yer alıb.

Reklam süjetində Messi "ChatGPT"dən öz fotosunun redaktə edilməsini xahiş edir. O, saçlarının Argentina bayrağının rənglərinə uyğun şəkildə dəyişdirilməsini istəyir. Süni intellekt tərəfindən emal olunan görüntüdən sonra futbolçu yenilənmiş şəkli komanda çatına göndərir.

Paylaşımda istifadəçilərə də eyni funksiyanı sınaqdan keçirmələri tövsiyə olunur.

Reklamın məqsədi "ChatGPT"nin şəkil redaktəsi və vizual generasiya imkanlarını nümayiş etdirməkdir. İstifadəçiyə verilən nümunə sorğuda isə saçların təbii görünüşü qorunmaqla ölkə bayrağının rənglərinə uyğunlaşdırılması istənilir və ölkə və ya şəkil göstərilmədikdə sistemin bunu dəqiqləşdirməsi vurğulanır.

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.