Dünya

Fransa yeni nüvə raketi hazırlayır

14 İyun 2026 19:21
Baxış: 1 443
VTB-də minimal faiz dərəcəsi ilə nağd kredit 9.9%-dən
#FRANSA

Fransa yeni hipersəs raketi hazırlayır. Bu ölkənin nüvə çəkindirmə, yəni müdafiə xarakterli təhlükəsizlik sisteminin gücləndirilməsi məqsədilə hazırlanır.

Milli.Az APA-ya istinadən bildirir ki, sistem potensial rəqibləri hərbi hücumlardan çəkindirməyə hesablanıb. Beləliklə, Fransa hakimiyyəti ölkənin yeni nəsil nüvə çəkindirmə sisteminin bir hissəsi olacaq ASN4G hipersəs raketinin hazırlanmasına rəsmən start verib.

Məlumata görə, Fransa Müdafiə Satınalmaları Agentliyi (DGA) raketin hazırlanması ilə bağlı müqaviləni Avropanın iri raket istehsalçılarından biri olan MBDA şirkətinə həvalə edib. Yeni raket hazırda Fransa ordusunun arsenalında olan ASMPA-R raketlərini əvəz etməlidir.

Qeyd edilir ki, ASN4G (Air-Sol Nucléaire de 4ème Génération) hipersəs sürətində hərəkət edə biləcək və Fransanın hava əsaslı nüvə çəkindirmə qabiliyyətini gücləndirəcək. Raketin 2035-ci ildə silahlanmaya qəbul edilməsi planlaşdırılır.

Yeni silahın Fransanın strateji hava qüvvələri və nüvə dəniz aviasiyası tərəfindən istifadə olunacağı bildirilir. ASN4G raketlərinin modernləşdirilmiş "Rafale F5" qırıcıları ilə inteqrasiya ediləcəyi gözlənilir.

Məlumata əsasən, hipersəs texnologiyası raketin müdafiə sistemlərini daha asan dəf etməsinə imkan verəcək. Fransanın Müdafiə Nazirliyi hesab edir ki, bu xüsusiyyət dəyişən təhlükəsizlik mühitində ölkənin müdafiə strategiyasının etibarlılığını qorumaq üçün vacibdir.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.