Maraqlı

“Android” smartfonlarında problemlər yaranıb

29 İyun 2021 21:10

0 Şərh Baxış: 877

VTB-də yüksək depozit faizleri daha çox qazandırır

#TEXNOLOGİYA

"Android" smartfonlarının istifadəçiləri əməliyyat sisteminin fəaliyyətində fasilələrlə rastlaşıblar. Bu barədə "Downdetector" saytı məlumat yayıb.

Milli.Az ictnews.az-a istinadən bildirir ki, yaranmış problemlər barədə Rusiya, ABŞ, Almaniya, Böyük Britaniya, İspaniya və İtaliya sakinləri məlumat veriblər. Smartfonlarda fasiləsiz olaraq "Google əlavəsində yenidən nasazlıq yaranıb" bildirişi görünür ki, bu da qurğudan istifadəni qeyri-mümkün edir.

Nasazlıqlar "Android" əməliyyat sisteminin tərkib hissəsi olan "Google" servislərinin işinin pozulması ilə paralel qeydə alınıb. Əksər istifadəçilər hesaba daxil olmaq imkanından məhrum olub, eləcə də axtarış servisləri ilə bağlı problemlər müşahidə edilib.

"Google" şirkəti nasazlıqların səbəbini hələ ki açıqlamayıb. Bu ilin yazında "Android" smartfonlarının sahibləri analoji problemlə üzləşib. O vaxt problem bir neçə saat ərzində aradan qaldırılıb. Nasazlıqlara şəbəkə komponentlərindən istifadə edən bir çox proqramların əsaslandığı "Android System WebView" servisinin işində yaranan fasilələr səbəb olub.

Milli.Az