Maraqlı

Boyun uzanmasına səbəb olan qidalar

13 İyun 2021 07:02
Baxış: 2 099
VTB-də minimal faiz dərəcəsi ilə nağd kredit 9.9%-dən
#SAĞLAMLIQ

Yeniyetmə dövrdə uşaqların boyunun uzanması genetik faktorlarla bağlı olsa da, qəbul edilən qidalardan da asılıdır. Belə ki, mütəxəssislər yeniyetmə dövründə düzgün qidalanan uşaqların valideyinlərinin ortaboylu olmasına baxmayaraq ucaboy olmaq şansının olduğunu söyləyirlər. Dietoloq Aslıhan Küçük uşaqların boyunun hündür olmasında genetik faktordan başqa qidalanmanın, idmanın, normal yuxunun, ağır iş görüb-görməməyin də rolu olduğunu söyləyir. O boyun uzanmasına yardım edən bir-neçə qida vasitələrinin adını qeyd edir.
Dietoloq öz qeydlərində hündür boya sahib olmaq istəyənlərin ilk növbədə sağlam sümük sisteminə sahib olmalarını yazır. 11-24 yaş
arasında olan və sağlam sümük sisteminə sahib olmaq istəyənlərin bol fosfor və kalsium qəbul etmələrini tövsiyə edir. Aslıhan Küçük sümük sisteminin sağlam olması üçün vitamin D-nin də yetərincə qəbul edilməsinin, boyun inkişafında rolu olduğunu qeyd edir. D vitaminin qaynağı Günəs olduğunu nəzərə alaraq dietoloq hər gün 15-30 dəqidə gün şüaları altında durmağın da orqanizm üçün faydalı olduğunu yazır. Beləliklə sizlərə boyun uzanması üçün Aslıhan Küçüyün tövsiyə etdiyi qidaların siyahısını təqdim edirəm:
1. Dəniz məhsulları.
2. Vitamin D.
3. Susam toxumu (100 qr susam toxumunda 160 mq kalsium var).
4. Ət (tərkibində olan protein və zülalların olmasına görə).
5. Süd və süd məhsulları (süd uşaq azyaşlı olduqda yaşına görə, yeniyetmə dövründə gün ərzində ən azı 2 stəkan içilməlidir).
6. Brokkli kələmi (müqaviməti artırmaq üçün).
7. Quru meyvələr (bol vitamin və kalsium qaynağı olduqlarına görə).
Dietoloq gün ərzində 4-5 qaysı, 2 quru əncir, 1 ovuc qara kişmişin orqanizm üçün əvəzolunmaz faydası olduğunu söyləyir.
8. Balıq yağı.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.