Ağciyər xərçəngi doqquz simptomla özünü göstərə bilər. Bu barədə Britaniya Xərçəng Araşdırma Mərkəzi açıqlama verib. Xəstəliyin ən çox müşahidə edilən göstəricisi istisnalar olmaqla davamlı öskürəkdir. Ağciyər xərçəngi xəstəliyi ağız suyu xaric edildiyi zaman, tərkibində qanın olması kimi simptomlarla da özünü göstərə bilər.
Milli.Az deyerler.org-a istinadən bildirir ki, bundan əlavə nəfəs çatışmazlığı və döş qəfəsində ağrılar xəstəlik barədə xəbər verə bilər. Mütəxəssislər iştahsızlığa, kəskin çəki itkisinə və davamlı yorğunluq hissinə diqqət yetirməyi məsləhət görür. Həmçinin təkrarlanan sinə infeksiyaları zamanı diqqətli olmaq lazımdır. Təşkilat qeyd edir ki, sadalanan simptomlar aşkarlanarsa, dərhal tibbi müayinədən keçilməlidir. Bundan əvvəl onkoloq Yuri Pokrovski bildirib ki, xərçəng qastritin başlamasından 20 il sonra özünü göstərə bilər. Mütəxəssis onkoloji xəstəliklərin "cavanlaşdığına" diqqət çəkərək, xoşagəlməz simptomlar meydana gəldiyi təqdirdə həkimlə məsləhətləşməyə çağırıb.
Milli.Az