Dünya

İordaniyada ABŞ bazasına hücum - 2 hərbçi öldü, 1-i itkin düşdü

18 İyul 2026 22:14

Baxış: 1 064

VTB-də minimal faiz dərəcəsi ilə nağd kredit 9.9%-dən

#AMERİKA

İranın İordaniyaya endirdiyi raket zərbəsi nəticəsində iki ABŞ hərbçisi həlak olub, biri isə itkin düşüb.

Milli.Az xəbər verir ki, bu barədə ABŞ Mərkəzi Komandanlığı (CENTCOM) bəyanat yayıb.

Məlumata görə, hücum zamanı daha dörd ABŞ hərbçisi müalicə üçün İordaniyadakı xəstəxanalara təxliyə edilib. Onların vəziyyəti stabilləşdiyi üçün artıq xəstəxanadan buraxıldıqları bildirilib. Yüngül xəsarət alan digər hərbi qulluqçular isə yenidən xidmətə qayıdıblar.

"Ailələrə hörmət əlaməti olaraq, həlak olan hərbçilərin şəxsiyyətləri də daxil olmaqla əlavə məlumatlar onların yaxın qohumları məlumatlandırıldıqdan sonra 24 saat keçənədək açıqlanmayacaq", - bəyanatda deyilir.

Hadisənin detalları ilə bağlı araşdırma davam edir. ABŞ rəsmiləri hücumun bütün halları araşdırıldıqdan sonra əlavə məlumat veriləcəyini bildiriblər.

Müəllif: Ülkər Vəliyeva (Milli.Az redaktor)