Maraqlı

“Google” öz prosessorunu istehsal edəcək

13 Aprel 2021 22:40
Baxış: 650
VTB-də minimal faiz dərəcəsi ilə nağd kredit 10.49%-dən

"Google"un növbəti qabaqcıl smartfonları şirkətin öz prosessoru ilə təchiz ediləcək. Bu haqda "9to5Google" nəşri məlumat verib.

Milli.Az ictnews.az-a istinadən bildirir ki, internet nəhənginin daxili sənədlərinə əsasən, şirkət "Samsung"un mühəndisləri ilə birgə prosessor üzərində işləyir. "Whitechapel" adlandırılacaq prosessor ilin sonunadək təqdim olunacaq. Ehtimal ki, yenilik payızda nümayiş etdiriləcək "Pixel 6" smartfonunda tətbiq ediləcək. "Google" şirkətinin "Pixel" seriyasının aktual smartfonları hazırda "Qualcomm"un prosessoru ilə təchiz ediliblər.

Jurnalistlər belə hesab edirlər ki, ABŞ şirkəti öz prosessorunu hazırlamaqla tədarükçülərdən asılılığını azaltmaq və öz qurğularının məhsuldarlığını artırmaq niyyətindədir. İlk növbədə sözügedən prosessor smartfonlara, bundan sonra isə "Chromebook" noutbuklarına quraşdırılacaq.

Jurnalistlər bununla bağlı "Google" şirkətinə müraciət ediblər, ancaq şirkət məlumat verməkdən imtina edib.

Milli.Az

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.