Başqaları üçün dua etmək, özü üçün istədiyini digərləri üçün arzulamaq – kamalın və imanın nişanə

Başqaları üçün dua etmək və onların duasını öz duandan qabağa salmaq - Allahın bəyəndiyi əməllərdən biridir. Bu cür edilən dua tez yerinə yetər və başqasının duasını öz duasından əvvələ saldığı üçün Allah bəlanı ondan dəf edər, ruzisini artırar və ona mərhəmət edər.

Gecə namazı qılmağın ən mühüm hədəfi də elə budur ki, insan 40 mömin üçün dua etsin və istiğfar etsin. Belə bir insan həsəd və sui-zənnin əsiri olmaz, mehriban və kəramətli olar.

İmam Sadiq (ə) buyurur: "Tez yerinə yetən dua - din qardaşları üçün edilən duadır ki, həm dua onun qeybində olar və həm də əvvəl onun üçün dua edər. Bu zaman ona hakim edilən mələk bu duaya "Amin!" deyər. Dua edənə deyər ki, sənin üçün iki bərabəri olsun".

İmam Sadiq (ə) buyurur: "Möminin mömin üçün dua etməsi, bəlanı onda dəf edər və ruzini çox edər".

Həzrət Peyğəmbər (s) buyurur: "Əgər kimsə mömin və möminələr üçün dua edərsə, Allah Adəmdən (ə) Qiyamətə qədər xəlq etdiyi hər bir möminin sayı qədər onun üçün üç şeyi nəzərə alar. Onun üçün həsənə yazar, günahlarını azaldar, məqamını artırar".

Həzrət Peyğəmbər (s) buyurur: "Bəndə imanın kamalına çatmaz və onu əldə edə bilməz, məgər o halda ki, elə bir ruhi hala çatar ki, o şeyi ki, özü üçün istəyər, mömin qardaşı üçün də istəyər".

Həzrət Rəsuli-Əkrəm (s) başqa yerdə buyurur: "Ən fəzilətli iman odur ki, sevgi və nifrəti Allaha xatir olar. Həmişə dilində Allahın zikirini edər, o şeyi ki, özü üçün istəyər, mömin qardaşı üçün də istəyər. O şeyi ki, özü üçün məkruh bilər, başqası üçün də məkruh bilər".

İnsan dua edən zaman imanın səviyyəsi müəyyən olar. Biz maddi varlıqlar olduğumuza görə, maddiyyat bizim fikir və təfəkkürümüzə təsir qoyar. Adətən biz başqa birindən bir şey istəyəndə ilk özümüz üçün bir şey istəyirik, sonra dostumuz üçün. Çünki elə bilirik ki, əgər ilk dostumuzun istəyini desək, bizim istəyimizi yerinə yetirməz. Bu təfəkkür Allaha etdiyimiz dualarda da özünü göstərər. Əgər bu maddi təfəkkürdən əl çəkə bilsək, o zaman başqalarının duasını öz duamızdan qabağa salarıq.

Biz bu dünyada olan hər şeyi məhdud bilirik. Halbuki, Allahın xəzinələri məhdud deyildir. Biz gərək bu təfəkkürümüzü dəyişək ki, həmin amil dualarımızda da özünü göstərsin.

Milli.Az