Maraqlı

Əfsanəvi “Nokia” telefonu yenidən buraxılacaq

9 Fevral 2021 21:10
Baxış: 974
VTB-də minimal faiz dərəcəsi ilə nağd kredit 10.49%-dən

"HMD Global" şirkəti əfsanəvi düyməli "Nokia" telefonunun yeni versiyasını buraxacaq. Bu barədə "Mobiltelefon" nəşrinin məlumatında deyilir.

Milli.Az ictnews.az-a istinadən bildirir ki, planlaşdırılan qurğu 2003-cü ildə təqdim edilən "Nokia 3650" telefonunun yenilənmiş versiyası olacaq. Telefon şirkətin dizaynlı modelləri sırasına daxildir - qeyri-adi dizayna malikdir. Qurğu aşağı hissəsində dairəvi şəklə salınmış fiziki klaviaturanın yerləşdiyi rəngli ekranla buraxılıb.

Jurnalistlər şirkət tərəfindən yenilənmiş qurğunun orijinal tərtibatının qorunub saxlanacağı və hansı xüsusiyyətlərlə təchiz ediləcəyi barədə məlumata malik deyillər. Mənbələrin məlumatına görə, qiyməti barədə məlumat verilməyən qurğunun nümayişi yaxın həftələr ərzində baş tuta bilər.

Qeyd edək ki, 2003-cü ilin fevralında satışa çıxarılan "Nokia 3650" telefonu 176х208 piksel təsvir ölçülü ekran, videoyazı imkanlı 0,3 meqapikselli əsas kamera, 4 giqabaytlıq quraşdırılmış yaddaş, infraqırmızı port və "Bluetooth" ilə təchiz edilib.

Şirkət bundan əvvəl də klassik "Nokia" telefonlarının yenilənmiş versiyalarını buraxıb. Belə ki, 2020-ci ilin noyabrında "HMD Global" şirkətinin "Nokia 8000 4G" smartfonunu buraxmaq niyyətində olması açıqlanıb. O, mahiyyət etibarilə 2000-ci illərin populyar "Nokia 8800" telefonunun yenilənmiş versiyası olacaq.

Milli.Az

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.